حمیدہ وحید و دین

آزاد انسائیکلوپیڈیا، وکیپیڈیا توں
Jump to navigation Jump to search
حمیدہ وحید و دین
Hameeda Waheeduddin

جاپانی ناں : ہینکو سمیدا (Hanako Sumida)
جنمستھان : اوساکا، جاپان
جمݨ تریخ : 4 جنوری 1976
کَم : سیاست دان
تعلیم : بیچلر آف سائنس
مادر علمی : لہور کالج فار ویمن یونیورسٹی

حمیدہ وحید و دین اک پاکستانی سیاست دان نیں ۔ اوہ مِمبر پنجاب اسمبلی تے سابقہ صوبائی وزیر نیں ۔

مُڈھلا جیون[لکھو]

حمیدہ 4 جنوری 1976 نوں جاپان دے شہر اوساکا وچ اک جاپانی ماں تے پنجابی والد دے ہاں پیدا ہوئیاں ۔

تعلیم[لکھو]

اوہناں نے مُڈھلی تعلیم جاپان توں حاصل کیتی ۔ پاکستان منتقل ہوݨ توں بعد اوہناں نے 6 مہینے اردو سِکھی تے میٹرک دی تعلیم پنجاب وچ مکمل کیتی ۔ اوہناں نے لہور کالج فار ویمن یونیورسٹی توں 1998 وچ بیچلر آف سائنس دی ڈِگری حاصل کیتی ۔

سیاسی کیریئر[لکھو]

حمیدہ 2002 دے پاکستانی عام انتخابات وچ پنجاب اسمبلی دے حلقا 116 (منڈی بہاؤدین 1) توں مسلم لیگ ق دی امیدوار دے طور تے پنجاب اسمبلی دی مِمبر مُنتخِب ہوگئیاں ۔ اوہناں نے 33،122 ووٹ حاصل کیتے ۔ اوہناں نے مِمبر پنجاب اسمبلی دی حیثیت نال 2003 توں 2007 تک پارلیمانی سکریٹری برائے خواندگی تےغیر رسمی مُڈھلی تعلیم دے فرائض انجام دِتے ۔

اوہناں نے 2008 دے پاکستانی عام انتخابات وچ پنجاب اسمبلی دے حلقا 116 (منڈی بہاؤدین 1) توں مسلم لیگ ق دی امیدوار دی حیثیت نال الیکشن لڑیا پَر اوہ ہار گئیاں ۔

اوہ 2013 دے پاکستانی عام انتخابات وچ پنجاب اسمبلی دے حلقا 116 (منڈی بہاؤدین 1) توں مسلم لیگ ن دی امیدوار دے طور تے پنجاب اسمبلی دی مِمبر مُنتخِب ہوگئیاں ۔ جون 2013 وچ اوہناں نوں وزیر اعلا پنجاب شہباز شریف دی صوبائی کبینا وچ بطور وزیر برائے سواݨیاں دی ترقی شامل کیتا گیا ۔

اوہ 2018 دے پاکستانی عام انتخابات وچ پنجاب اسمبلی دے حلقا 65 (منڈی بہاؤدین 1) توں مسلم لیگ ن دی امیدوار دے طور تے اک واری فیر پنجاب اسمبلی دی مِمبر مُنتخِب ہوگئیاں ۔