حواری بومدین

آزاد انسائیکلوپیڈیا، وکیپیڈیا توں
Houari Boumedienne

جم : 1927ء

موت : 1978ء

الجزائر دا فوجی افسر تے سیاستدان سی ۔ محمد بوخارویہ ناں ۔ حواری عرفیت ۔ بومدین لقب ۔ کسان دا پتر سی ۔ قسطنطین دی اسلامی درس گاہ تے قاہرہ دی جامعہ الازہر توں تعلیم پائی ۔ فرانس دے خلاف الجزائری حریت پسنداں دے اعلان جنگ دے بعد 1954ء چ مصر چ فوجی تربیت حاصل کیتی ۔ ہور تربیت لئی مراکش چلا گئیا ۔ 1955ء چ لہندے الجزائر دے اک گوریلا دستے چ شامل ہوئے ۔ تن سال مگروں لہندے سیکٹر دی مہماں دا انچارج بنا دتا گئیا ۔ 1960ء قومی فوج آزادی دا کمانڈر مقرر ہوئیا ، اس دا ہیڈ کواٹر تیونس چ سی ۔

الجزائر دی آزادی ویلے 1962ء چ 30 ہزار قومی فوج بومدین دی زیر کمان سی ۔ ستمبر 1962ء چ اس فوج دے نال راجگھر الجزیرہ چ داخل ہوئیا تے احمد بن بیلا نوں صدر بنن چ مدد دتی ۔ خود اسنوں وزیر دفاع دا عہدہ ملئیا ۔ کجھ چر مگروں اسنوں نائب صدر مقرر کر دتا گئیا ۔ بن بیلا نال اختلاف پاروں 1965ء چ حکومت دا کنٹرول اپنے ہتھاں چ لے لئیا ۔ دسمبر 1976ء چ صدارتی چوناں چ اسنوں 100 فیصد ووٹ ملے ۔