بازنطینی سلطنت

مشرقی رومی سلطنت چوتھی صدی عیسوی چ 2 حصیاں مغربی رومی سلطنت تے مشرقی رومی سلطنت چ تقسیم ہوگئی تے مشرقی حصہ اپنے صدرمقام بازنطین دے ناں تے بازنطینی سلطنu کہلائیا اسدے راجگھر دا پہلا ناں [[بازنطیئم] سی تے 330ء چ بازنطینی شہنشاہ قسطنطین اعظم نے بازنطیم دا ناں اپنے ناں تے قسطنطنیہ رکھ دتا ۔ بازنطینی سلطنت 330 توں 1453 عیسوی تک قائم رہن والی قرون وسطی دی رومی سلطنت سی جسدا صدرمقام قسطنطنیہ سی ۔ ایس نوں یونانیاں دی سلطنت یا مشرقی رومی سلطنت وی آکھدے نیں ۔ بازنطینی سلطنت براعظم یورپ ، ایشیا تے افریقہ تے اپنے عروج دے وقت پھلی ہوئی سی تے اس چ شام ، ایشیائے کوچک ، مصر ، تھریس ، تے یونان دے ملک شامل سن ۔

تریخ

پنجویں صدی عیسوی چ بلقان دے سلاو قبیلےآں تے جرمنی دے ونڈال قوم نے قسطنطنیہ تے کئی حملے کیتے ۔ 6ویں صدی عیسوی اسدے عروج دا زمانہ سی ، خصوصا شہنشاہ جسٹنینین دا دور پر 7ویں صدی عیسوی چ ایہہ سلطنت زوال پزیر ہون لگ پئی تے شمالی اٹلی دے لمبارڈی میدان دے لوکاں تے ایرانیاں تے عرباں نے استے پے در پے حملے کیتے ۔ حس دی وجہ توں ایتھے انارکی تے طوائف الملوکی دا دور دورہ رہیا ۔ 7ویں صدی دے خاتمے تے اتلا افریقہ ، مصر ، شام ، فلسطین تے قبرض وغیرہ تے عرباں دے قبضے چ چلے گئے تے بازنطینی سلطنت ہن حقیقت چ صرف یونانی سلطنت رہ گئی سی ۔ آخر 1453ء چ سلطنت عثمانیہ دے حکمران سلطان محمد فاتح دیاں فوجاں نے قسطنطنیہ فتح کرلئیا تے آخری بازنطینی بادشاہ قسطنطین یازدہم ماریا گئیا ۔ فتح قسطنطنیہ نال زمانی وسطی دا خاتمہ تے یورپ چ نشاۃ ثانیہ دا آغاز ہو گئیا ۔