یوری گیگرین

یوری الیکسیوچ گیگرین [9 مارچ 1934ء - 22مارچ1968ء] سویت خلاباز تے سویت یونین دا ہیرو سی ۔ 12 اپریل 1961ء چ اوہ بیرونی خلاء تے زمین دے مدار چ جان والا پہلا انسان بنیا ۔

ابتدائی زندگی

یوری گیگرین 9 مارچ 1934ءگژآتسک دے نیرے پنڈ کلوشینو چ پیدا ہوئیا ۔ جہڑا کہ ہن روس دے اوبلاست سمالینسک یعنی صوب سمالینسک چ اے ۔ گژاتسک دے قصبے دا ناں 1968ء چ اسدے اعزاز چ گیگرین رکھیا گئیا اے ۔ اسدے والدین الیکسی ایوانوویچ گیگرین تے آنا توموفیئونا گیگرینا اک "کلخوز" یعنی وڈے پیمانے تے حکومتی کھیت چ کم کردے سن ۔