محمد قاسم فرشتہ

محمد قاسم فرشتہ مشہور مورخ تے تریح دان سی ۔ اوہ اتلے ایران دے شہر استرآباد چ 1552ء چ جمئیا ۔ نکی عمر چ ای اوہ اپنے پیؤ غلام علی ہندوشاہ دے نال حسین نظام شاہ I دے دور چ احمد نگر آئیا تے جدوں احمد نگر دی نظام شاہی حکومت تے زوال آئیا تے ایہہ ابراہیم شاہ II دےکول بیجا پور چلئیا گئیا تے " اختیارات قاسمی" اک طبی کتاب لکھی ۔ ابراہیم عادل شاہ نے دکن دی تریخ لکھن ول توجہ دوائی تے اس دی ایہی کتاب تریخ فرشتہ دے ناں توں مشہور اے ، جس دا ترجمہ انگریزی زبان چ وی ہو چکئیا اے ۔ اس دا انتقال 1623ء چ ہوئیا ۔