جزیرہ نما سینا

جزیرہ نما سینا دی خلا توں لئی گئی مورت

جزیرہ نما سینا چ موجود سینٹ کیتھرائن دی خانقاہ جگ چ سبتوں پرانی خانقاہ سمجھی جاندی اے

جزیرہ نما سینا مصر چ مثلث شکل دا اک جزیرہ نما اے ، جس دے اتلے چ بحیرہ روم تے دکھن چ بحیرہ احمر اے ۔ ایہہ تقریبا 60 ہزار مربع کلومیٹر تے پھیلیا ہوئیا اے ۔

جزیرہ نما دیاں زمینی سرحداں لہندے چ نہر سوئز تے اتلے لہندے چ اسرائیل نال ملدیاں نیں ۔ جزیرہ نما سینا جغرافیائی طور تے لہندے دکھنی ایشیاء یعنی مشرق وسطی چ واقع اے ، جدوں کہ باقی مصر اتلے افریقہ چ واقع اے ۔ سیاسی طور تے مصر دا حصہ ہون پاروں ایہہ افریقہ چ شمار کیتا جاندا اے ۔

جزیرہ نما دا بوہتا حصہ پہاڑی اے جس چ سب توں اچّا پہاڑ ماؤنٹ کیتھرائن( عربی چ :جبل کاثرین) وی شامل اے ۔ سینا چ کئی تفریحی تے سیاحتی تھانواں وی نیں ، جنہاں ج مصر دا مشہور تفریحی ساحلی مقام شرم الشیخ وی شامل اے ۔ اس دے علاوہ سیاحاں دی وڈی گنتی ماؤنٹ کیتھرائن تے قائم جبل کاثرین دی خانقاہ دیکھن آندی اے ۔