ٹوڈرمل
| ٹوڈرمل | |
|---|---|
 | |
| جم | 1 جنوری 1500 چونیاں، پنجاب |
| موت | 8 نومبر 1589 لہور |
| پیشہ | وزیر خزانہ مغلیا سلطنت (جلال الدین اکبر دے عہد وچ) |
راجا ٹوڈرمل ذات دے کھتری ،گوت ٹنن، چونیاں، ضلع قصور، پنجاب دے واسی سن۔
دربارِ اکبری وچ مقام[سودھو]
22 صوبےآں دا دیوانِ کُل تے وزیر باتدبیر سن ۔ بیوہ ماں دی دُعاواں ناݪ اعلا رُتبا پایا۔ سپاہ گیری تے سرداری دے جوہر نے وی اوہناں دی اہمیت اُجاگر کیتی۔ پابندی ِآئین احکام وچ کِسے نوں رعایت نئيں دیندے سن لہذا اوہناں اُتے سخت مزاجی دا الزام سی۔ انتہائی قابل، معاملہ فہم تے دانشمند کہلوائے۔ بڑھاپے وچ بیماری دی وجہ توں وفات پائی۔
شیر شاہ سوری دا نال[سودھو]
ٹوڈرمل پہلے شیر شاہ سوری دے دربار وچ کم کردے سن جدوں مغلاں نے سوری خاندان دی حکومت دا خاتما کر دتا تاں ٹوڈرمل مغلیا خاندان ناݪ مُنسلک ہوگئے۔ اکبر نے اوہناں نوں آگرا دے انتظام دی ذُما داری سونپی سی۔
نورتناں وچ شامل[سودھو]
دربار اکبری ناݪ منسلک ہوئے تاں بادشاہ دے نور نظر بݨ گئے تے اپنی اعلا قابلیت تے ہُنرمندی دی بدولت ایتھے تک ترقی کیتی کہ سارے ہندوستان وچ 22 صوبےآں دے دیوان کل تے وزیر باتدبیر دا رُتبا حاصل کیتا۔ مہابلی سفر حضر دونے وچ اپݨے ناݪ رکھݨ لگے۔ بالآخر اپنے نورتناں وچ شامل کر کے راجا ٹوڈرمل نوں موتمن الدولہ (سلطنت دا امین) اورعندۃ الملک (معتبر سردار یا امیر) دے خطابات دِتے گئے۔ بہت ساریاں جنگی مہمات خصوصن بنگال دیاں لڑائیاں وچ راجا توڈرمل نے کمال بہادری دا ثبوت دِتا تے فتح ناݪ ہمکنار ہوئے۔ اس اُتے چارہزاری دا منصب وی عطا ہويا۔ برصغیر پاک و ہند وچ زمین دی مال گزاری، خرید و فروخت تے ہور حساب دے کاغذات وچ راجا توڈرمل دی ای اصطلاحات تے لفظ اج وی استعمال ہو رہے نيں۔ ٹوڈرمل دا اک کارناما ایہ اے کہ اوہناں نے بھگوت گیتا دا ترجما فارسی زبان وچ کیتا سی۔
انتقال[سودھو]
1589 نوں لہور وچ اوہناں دا انتقال ہويا۔ اس توں بعد اکبر نے اوہناں دے ای پُتر کلیان داس نوں اپݨا وزیر خزانا مقرر کيتا۔