رسالہ
رسالہ یا مجلّہ (انگریزی: Magazine) اک لگاتار اشاعت اے، پرنٹ یا ڈیجیٹل، جو اک باقاعدہ شیڈول اُتے تیار کِیتی جان٘دی اے، جس وچ مضامین اُتے مبنی متنی تے بصری مواد دی کوئی وی شکل ہُندی اے۔ رسالیاں دی مالی اعانت عام طَور اُتے اشتہارات، قیمت خرید، پری پیڈ سبسکرِپشنز، یا ایہناں سَبھ دے مجمُوعے توں ہُندی اے۔ ایہناں دی درجہ بندی ایہناں دی اشاعت دی تعدد (یعنی ہفتا وار، ماہانہ، تماہی، چھماہی وغیرہ)، ایہناں دے ہدف دے پڑھنہار (مثلن، خواتین، تجارتی تے ادبی)، ایہناں دے فوکس دے مضامین تے ایہناں دے انداز یا نُقطہ نظر دے لحاظ نال کِیتی جان٘دی اے۔ پرنٹ میگزین دے سرورق اُتے ظاہری شکل نُوں تاریخی طَور تے کِسے فرد یا تقرِیب دے اعزاز یا امتیازی مقام نُوں پہنچانݨ لئی سمجھیا جان٘دا اے۔