ریاست بیکانیر

Bikaner State بیکانیر ریاست
برطانوی ہند کا نوابی ریاست
1465–1947
Flag Coat of arms
Bikaner State in the Imperial Gazetteer of India
رقبہ
• 1931	60,391 کلومیٹر2 (23,317 مربع میل)
آبادی
• 1931	936218
تاریخ
تاریخ
• قیام	1465
• ہندستان دی آزادی	1947
مابعد India
آج یہ اس کا حصہ ہے:	راجستھان، بھارت

مہاراجہ گنگا سنگھ 1914 وچ

بیکانیر ریاست راجستھان دی شمالی ریاست سی۔ اتھے راٹھوڑ راجٹبر دی حکومت رہی۔

تریخ

جانگل دیس بیکانیر ریاست دا پرانا نام سی ۔ اسدے شمال وچ کورُو اتے خوشی دیش سن ، اسلئی مہابھارت وچ جانگل نام کتے اکلا اتے کتے کورُو اتے خوشی دیساں دے نال جڑیا ہویا ملدا اے ۔ بیکانیر دے راجا جنگل دیس دے مالک ہون دے کارن ہن تک جنگل دھر بادشاہ کہاندے ہن ۔ بیکانیر راج اتے جودھپور دا شمالی حصہ جانگل دیس سی

موسم

بیکانیر اصل وچ ریگستانی علاقہ اے۔ گرمیاں وچ اس ریاست وچ بہت گرمی اتے سردیاں وچ بہت زیادہ سردی پیندی اے۔ مئی، جون اتے جولائی مہینیاں وچ تاں اس ریاستی علاقے وچ گرم لو چلدی رہندی اے، جس کرکے اتھوں دے وسنیک دوپہر ویلے اپنے گھراں توں باہر ہی نہیں نکلدے۔ اتھے گرم ہوا لو اینی تیز وگدی اے کہ ریت دے ٹلے اک تھاں توں اڈّ کے دوجی تھاں اپر بندے رہندے ہن۔ اس ریاستی شہر دے وڈی گنتی لوکاں نے اپنے گھراں وچ تہہ خانے بنائے ہوئے ہن اتے دن ویلے گرمی ہون اپرنت اوہ تہہ خانیاں وچ چلے جاندے ہن۔ تہہ خانے کجھ ٹھنڈے ہندے ہن، جس کرکے لوکاں دا بھینکر گرمی توں بچاؤ ہو جاندا اے۔ سردیاں وچ اتھے اینی زیادہ ٹھنڈھ پیندی اے کہ رکھ تے پودے وی ٹھنڈھ کارن کملاء جاندے ہن۔ اس ریاست وچ ریگستانی علاقہ ودھیرے ہون کرکے اجے وی پرانے کھوہاں توں کم لیا جاندا اے اتے کئیاں تھاواں اپر اج وی کھوہ موجود ہن۔ اتھے کھوہ 300 فٹ جاں اس توں زیادہ ڈونگھے ہندے ہن۔ ایہناں کھوہاں دا پانی مٹھا ہندا اے۔ بیکانیر وچ مینہہ بہت گھٹ پیندے ہن، صرف نہری پانی نال ہی کھیتی ہندی اے۔ کھیتی وی کوئی خاص نہیں ہندی، کیونکہ اس ریاست دا وڈا حصہ ریگستان ہی اے۔

بیکانیر دا جوناگڑھ قلعہ

بیکانیر ریاست دا جوناگڑھ قلعہ جگت مشہور اے۔ ایہہ قلعہ بیکانیر شہر دے بالکل وچالے واقع اے اتے بیکانیر دی شان اے۔

جوناگڑھ قلعے دی اساری بیکانیر دے راجے راجا رائے سنگھ دے وزیراعظم کرن چند دی دیکھ-ریکھ وچ کیتی گئی سی۔ راجا رائے سنگھ نے 1571 توں 1611 اے۔ڈی۔ دے وچالے بیکانیر ریاست اپر راج کیتا سی۔ قلعے دیاں دیواراں اتے کھائی دا اساری 1589 وچ شروع ہویا سی اتے 1594 وچ ایہہ کم پورا ہویا سی۔

مورتاں

• 
  Bikaner Laxmi Niwas Palace
• 
  Maharaja Anup Singh of Bikaner hunting elephants
• 
  Honorific insignia in gold offered to the Maharaja of Bikaner by the Mughal Emperor
• 
  Raja Karan Singh of Bikaner, Aurangzeb's ally and enemy.
• 
  Maharaja Ganga Singh of Bikaner with his son in 1914
• 
  Bikaner Camel Corps
• 
  Board of combat daggers at the Darbar Hall

حوالے