ریل گڈی

آزاد انسائیکلوپیڈیا، وکیپیڈیا توں
رچرڈ ٹریوتھک دا بھاف انجن اجائبگھر وچ

ریلگڈی جو اج آواجائی اتے بھار ڈھوہن دا مکھ واہن اے۔ بھارت دا ریلوے محکمہ سبھّ توں وڈا محکمہ اے۔ ریل دا اتہاس بہت پرانا اے۔ بھاف انجن توں شروع ہو کہ بجلی والی ریلگڈی بن چکی اے۔

اتہاس[سودھو]

  • سبھ توں پہلاں سن 1769 وچ فرانس دی فوج دے اک سائنسدان نکولس جوزف کگرو نے بھاف نال چلن والی اک گڈی تیار کیتی۔ 3.6 کلومیٹر فی گھنٹے دی رفتار نال چلن والی ایہہ اک توپگڈی سی، ایہدا ودھ خرچ ہون کارن اتے اک پہیہ ٹٹن کارن ایہہ الٹ گئی۔ اس سائنسدان نے دوسری بھاف گڈی بنائی جو اجے وی پیرس دے کلا عجائبگھر وچ سرکھات رکھیا گیا اے۔
  • سال 1970 وچ اک امریکی انجینیئر اولور اوانس نے بھاف نال چلن والی اک گڈی تیار کیتی، پر اس دا استعمال ناکام رہا۔
  • سن 1786 وچ ایڈلبرگ دے ولئم سائمنگٹن دا بھاف نال چلن والا انجن وی کامیاب نہیں ہو سکیا۔
  • اسے ویلے گیسبتی دے کھوجی ولئم مارڈوک نے وی بھاف نال چلن والی اک گڈی بنائی پر اوہ وی کامیاب نہیں ہوئی۔
  • سن 1790 وچ کورنس دے اک نوجوان انجینیئر رچرڈ ٹریوتھک نے اپنی ورکشاپ وچ بھاف نال چلن والے کجھ انجناں دے ماڈل تیار کیتے۔ ٹریوتھک سڑک آواجائی لئی اک شاندار انجن گڈی بناؤنا چاہندا سی۔ اوہ دس سال اپنے یتن وچ لگیا رہا۔ انت سن 1801 وچ اس نوں لوہے دی اک وڈی انجن گڈی بناؤن وچ سفلتا ملی۔ اس انجن وچ اک چمنی لگی سی اتے آلے-دوآلے سواریاں دے بیٹھن دی تھاں سی۔ ٹریوتھک دی انجن گڈی سڑک تے کیتے گئے تجربے وچ کامیاب رہی۔اس نے سن 1803 وچ دوسری بھاف انجن گڈی بنائی اتے اس نوں چلا کے کارنبال توں لندن تک لے گیا۔ اس سفر وچ انجن دا کچومر نکل گیا سی۔ ٹریوتھک نے سوچیا کہ بھاف انجن گڈی نوں سڑکاں تے نہیں چلایا جا سکدا۔ اس لئی اس نے پٹڑی تے چلن والی بھاف انجن گڈی تیار کیتی۔ ٹریوتھک دی پٹڑی تے چلن والی بھاف انجن گڈی تاں تیار ہو گئی ساؤتھ ویلز وچ پینٹی ڈاران لوہا کارخانے دی اپنی اک گھوڑیاں نال کھچی جان والی ٹرام اے جو کارڈیا تک جاندی اے۔ ٹریوتھک نے لوہا کارخانے دے مالک نال گل کیتی کہ ٹرام تے اپنی بھاف نال چلن والی ریلگڈی دی پرکھ کرنا چاہندا اے تے مالک پرکھن لئی راضی کر لیا۔ متھے ویلے تے بھاف انجن گڈی نوں پٹڑی تے لیاندا گیا۔ ٹریوتھک خود اس گڈی نوں چلا رہا سی۔ اس دی پنج ڈبیاں والی گڈی نے دس ٹن لوہے اتے ستر سواریاں دے نال دس میل لمبیاں پٹڑیاں دی یاترا دو گھنٹیاں وچ پوری کر لئی۔ اس طرحاں ٹریوتھک دی بھاف انجن گڈی عالمی دی پہلی ریل گڈی بن گئی۔[۱]

ہور ویکھو[سودھو]

بھاف دا انجن

حوالے[سودھو]

  1. Gordon, W.J. (1910). Our Home Railways, volume one. London: Frederick Warne and Co, 7–9.