سجاد علی

آزاد انسائیکلوپیڈیا، وکیپیڈیا توں
Jump to navigation Jump to search
سجاد علی
جنمستھان : لہور, پنجاب
جمن دیہاڑ : 24 اگست 1966
کم : گایک، اداکار

سجاد علی اک مشہور پاکستانی پنجابی تے اردو گلوکار نیں ۔ اوہ 24 اگست 1966 نوں لہور وچ پیدا ہوئے تے کراچی دے نیشنل آرٹس کالج توں تعلیم حاصل کیتی ۔ اداکاری تے ہدایتکاری دے میدان وچ صلاحیتاں دکھاون والے سجاد علی نے اپنے چچا تصدق حسین کولوں کلاسیکی موسیقی دی تربیت حاصل کیتی ۔

سجاد علی دے والد شفقت حسین (ساجن) اک پاکستانی فلمی اداکار تے کرکٹر سی ۔ اوہناں دے والد پہلی بار 1971 وچ اک فلم ، بادل اور بجلی وچ نظر آئے ۔ سجاد علی نے نیشنل آرٹس کالج ، کراچی توں ایف ۔اے دی ڈگری مکمل کیتی ۔ اس توں بعد اوہناں دے چچا تصدق حسین نے اپݨے کلاسیکی مجموعےآں توں اوہناں نوں موسیقی دی تعلیم دیݨی شروع کردتی ۔ سجاد علی دی گایکی دی تربیت دے دوران تصدق حسین نے کلاسیکی فنکاراں استاد بڑے غلام علی خاں ، استاد برکت علی خان تے استاد مبارک علی خاں دی موسیقی وی گائی ۔ ایہ سبھ سجاد علی دے وڈکے نیں ۔ سجاد نوں اوہناں دے چچا استاد منور علی خاں نے وی مختصر طور تے تربیت دتی سی جیہڑے استاد بڑے غلام علی خاں دے پُتر سی ۔ سجاد علی دا تعلق کلاسیکی موسیقاراں دے قصور پٹیالا گھرانا نال اے ۔ سجاد علی نے پاکستان ٹیلی ویژن وچ بچےآں واسطے موسیقی دے پروگرام وچ حصہ لیا تے 14 سال دی عمر وچ کلاسیکی موسیقی دے پروگرام راگ رنگ وچ پرفارم کیتا ۔ 1993 وچ سجاد علی دے گانے “بے بی آ ” نے موسیقی دی دنیا وچ تہلکا مچا دتا ۔

سجاد علی دے کئی سپرہٹ گانے تے البم شائقین دے پسندیدہ نیں ۔ جیہناں وچ “چیف صاب” ، “ابھی موڈ نہیں” ، “پانیوں میں“ ، “سوہنی لگ دی” ، “جے ایتھوں کدی راوی لنگھ جاوے“ شامل نیں ۔ سجاد علی نے فلماں وچ اداکاری تےہدایتکاری دے جوہر وی دکھائے نیں ۔ “لو لیٹر” ، “منڈا تیرا دیوانا” ، “ایک اور لو سٹوری” وچ اداکاری کیتی اے ۔

سجاد علی دے البمز “بابیا“ ، “چیف صاب“ تے “سوہݨی لگدی“ دی مقبولیت اج وی گھٹ نہیں ہوئی ۔ سجاد علی نے ہلکے انداز وچ گا کے غزل گائیکی نوں وی نواں رنگ دتا۔ فلم بول واسطے گائے گاݨے “دن پریشان ہے“ نوں بہت پسند کیتا گیا۔

ستارا امتیاز[لکھو]

23 مارچ 2019 ء نوں حکومت پاکستان نے بہتر گلوکاری دے صلے وچ سجاد نوں ستارا امتیاز نال نوازیا ۔

سجاد علی نے گائیکی نِکی عمر توں ای شروع کردی سی ۔ اوہناں دے گائے ہوئے گاݨے نہ صرف پاکستان وچ بلکہ بھارت ، برطانیا ، کینڈا تے امریکا وچ وی بہت مقبول ہوئے ۔ سجاد علی نے پاکستان تے بھارت دے مقابلہ موسیقی پروگرام Sur kshetra وچ بطور جج وی فرائض سر انجام دتے سی ۔


مشہور گیت[لکھو]

سجاد علی دے مشہور گیتاں وچوں چند اک درج ذیل نیں ۔

  • کٹنا نئی
  • راوی
  • لگایا دل
  • تصویر
  • ہر ظلم
  • رونے نہ دیا
  • پانیوں میں
  • نہ تم سمجھے
  • تماشا
  • ساحل پہ کھڑے ہو
  • ہر ظلم تیرا
  • سوہݨی لگدی