سرائیکی

وکیپیڈیا توں
(لیایا گیا سرولی)
Jump to navigation Jump to search
Dialects of Sindhi.PNG

سرائیکی سندھ دے اتلے پاسے دے علاقے چ بولی جاݨ والی اک بولی اے ۔ سندھ چ "سرو" اتلے تھاں نوں کہندے نیں ۔ لفظ "سرائیکی" سرو توں بݨیا اے ۔

گریئرسن دے سروے چ اُتلا سندھ سرائیکی تھاں[لکھو]

جارج گریئرسن نے 1928 وچ بولیاں دے اپݨے سروے وچ سندھ دیاں بولیاں دا ذکر کردیاں ہویاں دادو تے سہون دے اتلے پاسے (سرو) چ سرائیکی بولی دا ذکر کیتا اے تے سروے چ نقشا وی دکھایا گیا اے جیہدے وچ اُتلا سندھ سرائیکی بولی دا تھاں اے ۔

سرائیکی بولی دا علاقا[لکھو]

سرائیکی صوبہ سندھ دے اتلے تھاں چ ضلع شکار پور ، ضلع جیکب آباد ، ضلع کشمور ، ضلع قمبر-شہداد کوٹ ، ضلع گھوٹکی ، ضلع خیرپور ، ضلع نوشہرو فیروز ، ضلع لاڑکاݨا ، ضلع سکھر تے ضلع دادو چ بولی جاندی اے تے بلوچستان دے ضلع جھل مگسی، ضلع جعفر آباد، ضلع نصیر آباد تے ضلع صحبت پور وچ وی بولی جاندی اے ۔

سرائیکی نوں سندھ چوں لیا کے پنجاب تے سرحد چ تھوپݨ دا جتݨ[لکھو]

پاکستان بݨݨ توں مگروں 6 اپریل 1962 نوں ملتان وچ اک اکٹھ چ سندھی قوم پرستاں دے تھاپڑے نال اِنڈس دریا دے نال نال لہندے پاسے راجن پور توں ڈیرا اسماعیل خان تے ٹانک تک دی پٹی چ بولی جاݨ والی بولی ہندکی نوں سندھ دی سرائیکی دا نام دتا گیا تے فیر پنجاب دے دوآباں چ بولی جاݨ والی پنجابی پڑبولی ملتانی تے بہاولپور ریجن دے لہندے پاسے چ بولی جاݨ والی پنجابی دی ریاستی پڑبولی نوں وی جاݨ بُجھ کے سندھ دی سرائیکی بولی دے لپیٹے چ لیݨ دا جتݨ کیتا گیا ۔ ایہ کچا کم سی ۔ ایہدی کوئی نیوں نئیں سی ۔ سندھی قوم پرست سندھ وچ بولی جاݨ والی سرائیکی نوں پچھاڑݨ تے مٹاوݨ دیاں کوششاں کر کے وچکارلے سندھ دی سندھی بولی نوں سرائیکی بولݨ والے وسنیکاں اُتے تھوپݨ دی کوشش کر دے رہندے نیں ۔

سندھ وچ سرائیکی ادب[لکھو]

سرائیکی دے سِر کڈھویں شاعر سچل سرمست نیں ۔ اوہناں دا مزار ضلع خیرپور وچ اے ۔ ایس توں علاوا قادر بخش بیدل (روہڑی) ، تاج محمد امروٹی (خیرپور) تے حمل فقیر وڈے نام نیں ۔

حوالے[لکھو]


ہوردیکھو[لکھو]