سونمیاݨی

سونمیاݨی
Sonmiani
دیس :	پاکستان
صوبا :	بلوچستان
ضلع :	حَب
رقبا :	مربع کلومیٹر
لوک گݨتی :
بولی :	لاسی، اردو

سونمیاݨی پاکستان دے ضلع حب دا اک قصبا اے ۔ سونمیاݨی بندرگاہ ضلع حب دے ساحل تے واقع آ جو کراچی توں بذریعہ سڑک 45 میل دے فاصلے تے آ ۔ انگریزاں توں پہلاں پورے وسط ایشیا وچ ایہدا شہرہ سی ۔ ایتھوں بڑیاں بڑیاں بادبانی کشتیاں ہندوستان، عرب، افریقا تے خلیج فارس دیاں بندرگاہواں تک جاندیاں اوندیاں سی ۔ 19 ویں صدی دے آغاز تک بلخ تے بخارا دا تجارتی مال کارواں دے ذریعے اس بندرگاہ تے اوندا سی ۔

1805ء وچ پرتگال دے سمندری قزاقاں نے ایہ بندرگاہ لُٹ کے ایہنوں اگ لا دتی ۔ برطانوی تسلط توں بعد اس بندرگاہ دی اہمیت ختم ہو گئی ۔ انگریزاں نے کراچی دی بندرگاہ نوں جدید بنیاداں تے ترقی دتی تے ریل دے ذریعے ملک دے بڑے بڑے شہراں نال ملا دتا ۔ اس توں علاوا ہندوستان دیاں سرحداں دا تعین ہویا ۔ جیہدے نال کارواں دی آوا جاوی رک گئی ۔ ایہدے نتیجے وچ بندرگاہ ہولی ہولی اُجڑ گئی ۔ اج کل سونمیاݨی مچھیرےآں لئی مشہور اے ۔ ایتھے بڑے بحری جہاز لنگر انداز نئیں ہوسکدے کیونکہ ساحل دے نزدیک پاݨی دی ڈونگھ کعھٹ اے ۔ قدیم باسیاں دے مطابق ماضی وچ اس جزیرے تے مچھلی دے شکار توں واپس اوݨ والے ماہی گیر آرام دی غرض نال قیام کر دے سی ۔

کراچی توں لگ بھگ 80 کلومیٹر دی دوری تے واقع سونمیاݨی دے نیڑے قدرتی جزیرا چاروں پاسےوں نیلگوں سمندر تے اک پاسےوں لق ودق صحرا نال منسلک اے جیہڑا بہت خوبصورت امتزاج دا نمونا دِکھدا اے ۔

جزیرے دے عین اُتے ڈونگھے پاݨی چوں اپݨے شکار نوں اچکݨ لئی فضاواں وچ محو پرواز شور مچوندے چِٹے براق پکھیرو تے تھلے ساحل تے دوڑدے پعھجدے چِٹے تے زردی مائل کیکڑے، وقفے وقفے نال سمندری پدھر اُتے ابھردیاں شرارتی وہیل شارک مچھلیاں دے غوطے ماحول نوں سحرزدہ کر دیندے نیں ۔