جھیل سپیریئر

جھیل سپیریئر
مقامی ناں	(أوجیبوا وچ: ᑭᒋᑲᒥ)
دا حصہ	وڈیاں جھیلاں
نقشہ
انتظامی تقسیم
ملک	کینیڈا امریکا
وقوع تھاں	مشیگن،  اونٹاریو،  وسکونسن،  منسسوٹا
طاس دیس	امریکا کینیڈا
طاس رقبہ	207200 مربع کلومیٹر
پانی کھلوݨ ویلہ	191 ورھا
تقسیم اعلیٰ	مشیگن،  اونٹاریو،  وسکونسن،  منسسوٹا
جغرافیائی خصوصیات
متناسقات	47°31′44″N 87°45′36″W
رقبہ	82350 مربع کلومیٹر
لمبا‏ئی	563 کلومیٹر
چوڑآئی	257 کلومیٹر
گہرائی	406 میٹر
پانی حجم	12100000 cubic hectometre،  12100 cubic kilometre
بلندی	183 میٹر
جیو رمز	6048728،  6043717
[مکمل اسکرین پر]

جھیل سپیریئر دا خلائی نظارہ

جھیل سپیریئر اتلے امریکہ چ واقع وڈیاں جھیلاں دے سلسلے دی سب توں وڈی جھیل اے ۔ ایہہ سطحی حجم دے اعتبار نال دنیا چ تازہ پانی دی سب ت وں وڈی تے حجم دے اعتبار نال تیجی سب توں وڈی جھیل اے ۔

ایہہ جھیل امریکہ تے کینیڈا دے وچکار سرحد تے واقع اے ۔ اس دی ودھ توں ودھ لمبائی 563 کلومیٹر تے ودھ تون ودھ چوڑائی 257 کلومیٹر اے ، اس دی سطحی رقبہ 82 ہزار 414 مربع کلومیٹر اے ۔ اسدی اوسط گہرائی 147 میٹر اے تے ودھ توں ودھ گہرائی 406 میٹر اے ۔

جھیل سپیریئر چ پانی دا حجم 12100 معکب کلومیٹر اے ۔ اس دے ساحلاں دی لمبائی 4385 کلومیٹر اے ۔ ایہہ جھیل سمندر دی پدھر توں 600 میٹر اچّی اے ۔

جھیل سپیریئر سطحی حجم دے اعتبار نال دنیا چ تازہ پانی دا سب توں وڈا ذخیرہ اے ۔ سائبیریا دی جھیل بیکال حجم دے اعتبار نال اس توں وڈی اے جدوں کہ بحیرہ کیسپیئن حجم تے سطحی رقبے دونے چ اس توں وڈا اے پر اس دا پانی لونا اے ۔

جھیل سپیریئر

جھیل سپیریئر چ اینا پانی اے جے اسنوں چھڈ دتا جائے تے براعظم اتلے تے دکھنی امریکہ چ اک اک فٹ پانی کھڑا ہوجائے گا ۔

جھیل چ آن آلے سالانہ طوفاناں دے دوران اس چ 20 فٹ تک اچّیاں لہراں اٹھدیاں ویکھیاں گئیاں نیں ۔

جھیل چ 200 توں ودھ نکے وڈے دریاواں دا پانی ڈگدا اے ۔ جھیل سپیریئر دا سب توں وڈا جزیرہ آئل رائل اے جہڑا امریکی ریاست مشیگن چ واقع اے ۔

ناں

اوجیبوا بولی چ ایس جھیل دا مطلب وڈا پانی اے۔

جھیل دا ناں اتلی جھیل یا جھیل سپیریئر ستارویں صدی عیسوی چ فرانسیسی مہم جوواں نے رکھیا کیونجکہ اے جھیل ہرون دے اتلے پاسے ھیگی اے۔ فرانسیسی دور چ اینوں جھیل ٹریسی وی آکھیا جاندا سی۔ انگریزی چ ایدا ناں جھیل سپیریئر رکھیا گیا۔

جغرافیہ

ایس جھیل دا سب توں وڈا جزیرہ آئل رائل اے جیہڑہ ریاست مشیگن چ ھیگا اے۔ ایس جزیرے وچ ہورجھیلاں نیں جناں چ نکے جزیرے وی ھیگے نیں۔ ایس جھیل دے دوالے آباد شہراں چ ڈلتھ دی بندرگاہاں، منی سوٹا ، سپیرئیر ، وسکونسن ، تھنڈر بے ، انٹاریو ، مارکوئیٹ ، مشی گن تے سالٹ سینٹ میری دے دو شہر مشی گن مین تے انٹاریو مین شامل نیں۔

موسم

اے جھیل اپنے حجم دی وجہ توں مختصر رقبے اتے سمندری اثرات پیدا کردی اے۔ کیونجکہ پانی دا درجہ حرارت ہوا دے درجہ حرارت توں نسبتاً گھٹ رفتار نال بدل دا اے، ایس کر کے سردیاں تے گرمیاں چ درجہ حرارت اتے ایدا اثر پیندا اے۔ جھیل دے دوالے پعاڑ تے پعاڑیاں خاص کر خزاں چ سیلن تے دھند نوں روکدے نیں۔ جھیل دی سطح دا درجہ حرارت پچھلے 30 وریاں چ ٹعائی ڈگری سینٹی گریڈ تکر ودھ چکیا اے جیدی وجہ گلوبل وارمنگ اے۔

بارلے جوڑ

• [۱] Archived 2003-11-21 at the وے بیک مشین
• عظیم جھیلاں
• عظیم جھیلاں
• عظیم جھیلاں چ الودگی
• کینیڈا پارک جھیل سپیریئر Archived 2006-08-06 at the وے بیک مشین
• جھیل سپیریئر Archived 2010-06-09 at the وے بیک مشین
• جھیل سپیریئر Archived 2009-01-16 at the وے بیک مشین

ہور ویکھو

• عظیم جھیلاں (امریکا)