شڡ کماری

آزاد انسائیکلوپیڈیا، وکیپیڈیا توں
Jump to navigation Jump to search
شڡ کماری
کوٹا دی راجماں
Shiv Kumari1.jpg
پیدائشمارچ 1, 1916(1916-03-01)

کوٹا دی  راجماں شڡ کماری (1 مارچ 1916 – 12 جنوری 2012) اک راجستھانی ہندو شاہی تے بیکانیر دے مہاراجا گنگا سنگھ دی دھی سی ۔

مڈھلا جیون[لکھو]

شڡ دا جم 1916 نوں ہویا (اس توں علاوا ہور سروت 1913 تے 1915 ول وی اشارہ کردے نیں)۔ 1930 وچ اوہدا ویاہ کوٹا دے مہاراؤ بھیم سنگھ نال ہویا۔ پر اوہ پردے داری دیاں روایتی پابندیاں نال نئیں جڑی ہوئی سی ۔ شڡ کماری دے پیؤ نے ایہ سمقررہ کیتا کہ اوہنے گھر وچ ای اپنے بھراواں نال جدید سکھیا حاصل کیتی ۔ راٹھور راجپوت راج کماریاں نوں نشانہ لونا سکھایا گیا تے اوہناں نے ویاہ توں پہلاں تے بعد تک 40 توں ودھ بگھیا دا شکار کیتا سی ۔

سیاست[لکھو]

مہارانی اتے مہاراؤ ہالیوڈّ دے اداکار یول برائینر اتے پروار دے ہور میمبراں نال

اوہدا شوہر راجستھان دا رسمی گورنر سی ۔ اس ویلے کماری سیاست وچ وی سرگرم سی تے 1966–71 توں کھانپر (ضلع جھالاواڑ) دے اک آزاد مِمبر دے طور تے صوبائی اسمبلی لئی چنیا گیا سی ۔ آزادی دے مڈھلے کچھ دہاکیاں ویلے شڡ کماری نے اپنے شوہر تے ٹبر دے نال دنیا بھر وچ بہت سفر کیتا ۔

راجماں[لکھو]

1991 وچ مہاراؤ بھیم سنگھ دی موت توں بعد کماری راجماں (رانی ماں) بن گئی جدوں تک اوہدا پتر برجراج سنگھ اگلا مہاراؤ نہیں بن گیا ۔اوہدی شاہی رہائش امید بھون نوں ہوٹل بنا دتا گیا پر اوہ 2012 وچ اپنی موت تک اسے پیلیس دے اپر والے حصہ وچ رہی ۔

موت[لکھو]

کماری دی موت 12 جنوری 2012 نوں شام ویلے ہوئی ۔اونوں 9 جنوری نوں کوٹا وچ بھارت ترقی کونسل ہسپتال دے اِنٹینسِڡ کیئر یونٹ (آئی سی یو) وچ گُردےآں دی خرابی دے کارن بھرتی کروایا گیا سی ۔ 12 جنوری دی دوپہر نوں اوہدا ٹبر اوہنوں بنابغیر کسے سدھار دے اپنے پیلیس امید بھون واپس لے گیا سی کیونکہ ڈاکٹراں نے کسے وی ویلے ہون والی اوہدی موت بارے دس دتا سی ۔ اوہدا آخری سنسکار 13 جنوری 2012 نوں کیتا گیا۔[۱]

حوالے[لکھو]