بلوچستان، پاکستان دا رقبے دے حساب نال دا سبھ توں وڈا صوبہ اے۔ ایہدی لوک گݨتی ڈیڈھ کروڑ دے لگ بھگ اے۔
بلوچستان پاکستان دے ٪ 44 رقبے تے پھیلیا ہویا اے۔ ایہدے چڑدھے پاسے پنجاب تے سندھ ، اُبھے پاسے سرحد تے افغانستان لہندے پاسے ایران تے لمے پاسے عرب سمندر اے۔ ایتھے براہوئی ، لاسی ، بلوچی ، پشتو ، پنجابی ، اردو زباناں بولیاں جاندیاں نیں۔ کوئٹا ایہدا راجگڑھ اے جتھے کئی نسلاں دے لوک وسدے نیں۔
ایہ اک پرانا علاقہ اے۔ ایتھے مہر گڑھ رہتل پنج ہزار سال پرانی اے۔ آریا افغانستان تے ایران توں آئے سن ۔ پشتو تے بلوچیآریاواں دی نشانی اے پر پہلاں دے لوک وی ایتھے موجود نیں جیہڑے براہوئی زبان بولدے نیں۔ ایتھے ایرانی کشان ترک عرب منگول مغل افغان تے انگریز مل مارن آئے سی۔ 1947ء وچ انگریزاں دے جاݨ مگروں بلوچستان پاکستان دا اک صوبہ بن گیا۔ بعد وچ پاکستان نے اپنیاں چار ریاستاں قلات ، مکران ، خاران، لسبیلا تے سلطنت عمان کولوں خریدیا ہویا علاقہ گوادر ایس صوبے وچ شامل کر دتا۔
.svg)
بلوچستان دے شہر