عالمگیر حق

آزاد انسائیکلوپیڈیا، وکیپیڈیا توں
عالمگیر حق
جنمستھان : ضلع تنگیل، چڑھدا پاکستان
جمݨ ورھا : 1955
دیس : پاکستان
ماں بولی : بنگالی
رہائش : کراچی، اٹلانٹا
کم : موسیقی، گائیکی
خاصیئت : موسیقار، پوپ گائیک
اعزاز : تمغا حسن کارکردگی

عالمگیر دا شمار پاکستان وچ پاپ میوزک دے بانیاں وچ ہوندا اے ۔ اوہناں دا انداز مشہور پاکستانی فلمی گلوکار احمد رشدی نال مشابہ قرار دتا جاندا سی پر اوہناں نے موسیقی دے میدان وچ اپݨی مخصوص پہچاݨ بݨائی ۔ عالمگیر نے 1970ء دے دہاکے دے شروع وچ پاکستان ٹیلی ویژن دے پروگرام ہم ہی ہم توں بطور گٹارسٹ آغاز کیتا ۔

جیون[سودھو]

عالمگیر 1955ء وچ پاکستان دے صوبا چڑھدا پاکستان ضلع تنگیل (موجودہ بنگلا دیش) وچ پیدا ہوئے ۔ اوہناں دے والد دا ناں فرموزالحق سی جو آل انڈیا مسلم لیگ نال تعلق رکھݨ والے سیاست دان سی ۔ عالمگیر نے ابتدائی تعلیم میرپور (بنگلا دیش) توں حاصل کیتی تے کالج دی تعلیم بی اے ایف شاہین کالج ڈھاکا توں حاصل کیتی ۔ بنگلا دیش دے قیام توں بعد اوہ پاکستان دے شہر کراچی آ گئے جتھے اوہناں نے کراچی یونیورسٹی توں تعلیم حاصل کیتی ۔ اوہناں نے اپݨے فنی کیریئر دا آغاز وی کراچی توں ای کیتا ۔

کراچی وچ عالمگیر پی ای سی ایچ ایس سوسائٹی وچ رہندے سی ۔ شام ویلے اوہ طارق روڈ تے واقع گلوب ہوٹل وچ گلوکاری کر دے تے گٹار بجوندے سی ۔ ایس ہوٹل وچ ای عالمگیر نوں دسیا گیا کہ پاکستان ٹیلی ویژن کراچی وچ خوش بخت عالیہ نوجواناں لئی اک پروگرام "فروزاں" دے عنوان نال کر رہیاں نیں ۔ عالمگیر اوتھے ایڈیشن دیݨ لئی گئے تاں خوش بخت عالیہ نے اوہناں دی گلوکاری تے گٹار بجوݨ نوں پسند کیتا پر ایہ کہہ کے معذرت کرلئی کہ اوہ پہلاں ای کسے نوں منتخب کر چکی اے ۔ اس ای کمرے وچ موسیقار سہیل رانا وی موجود سی ۔ جد عالمگیر واپس اپݨی گڈی تک پہنچے تاں سہیل رانا نے اوہناں نوں واپس بلوالیا تے اپݨے پروگرام "ہم ہی ہم" وچ بطور گٹاریسٹ کم کرن دی پیش کش کیتی ۔ ایہ پروگرام نیاݨےآں لئی سی ۔ 1973ء وچ عالمگیر نے شاعر صدیقی دے گیتاں تے مشتمل ٹی وی پروگرام "سنڈے کے سنڈے" وچ"البیلا راہی" گایا ۔ اس زمانے وچ پاکستان وچ مغربی موسیقی نوں جدید موسیقی کہیا جاندا سی ۔ اس ویلے ٹیلی وژن تے ریڈیو تے پکا گاݨا گوݨ آلےآں دا راج سی ۔ عالمگیر دا ایہ گیت نوجواناں وچ انتہائی مقبول ہویا تے چھیتی ای عالمگیر عوامی شخصیت بݨ گئے ۔ عالمگیر جد اپݨی سرخ سیڈان تے جھیل پارک سیر لئی جاندے سی تاں موسیقی دے شائقین نوجوان اوہناں نوں دیکھݨ لئی اکٹھے ہوجاندے سی ۔ عالمگیر نے اردو توں علاوہ ہور کئی زباناں وچ وی گیت گائے نیں ۔ خاص طور تے اپݨی ماں بولی بنگالی وچ اوہناں دے کئی گیت مشہور ہوئے ، جیہناں وچ "امائے بھاشالی رے" سبھ توں زیادہ مشہور ہویا ۔ عالمگیر 2012ء وچ "ہم ٹی وی" دے براہ راست پروگرام "شام سے پہلے آنا" وچ شریک ہوئے جیہڑا اوہناں دے اعزاز وچ ای منعقد کیات گیا سی ۔ 2013ء وچ اوہ اے آر وائی ڈیجیٹل تے "پاکستان آئیکون" وچ بطور جج شریک ہوئے ۔ پاکستان وچ موسیقی دے مشہور پروگرام "کوک سٹوڈیو" دے چھیویں سیزن وچ شرکت کیتی ۔6 جنوری، 2014ء نوں پاکستان ٹیلی ویژن دے پروگرام "صبح نو" وچ اوہناں دا انٹریو نشر کیتا گیا ۔ 2012ء وچ عالمگیر نے بنگلا دیش دا دورہ کیتا تے کئی پروگراماں وچ شرکت کیتی ۔ عالم گیر نوں صدر پاکستان ولوں پرائڈ آف پرفارمنس دا اعزاز دتا گیا ۔ 1998ء وچ عالمگیر اپݨی والدہ دی بیماری وچ دیکھ بھال لئی امریکی ریاست جارجیا دے شہر اٹلانٹا منتقل ہو گئے ۔ عالمگیر نوں 2004 وچ گردےآں دی بیماری دی تشخیص ہوئی سی تے اوہناں دے گردے تقریبن ناکارہ ہو چکے سی تے اوہ کافی چِر توں ڈائلسز دے سہارے چل رہے سی ۔ عالمگیر نوں گردےآں دا مرض اوہناں دے والدین توں منتقل ہویا سی جیہدی وجہ توں اوہناں نوں مسلسل زیر علاج وی رہݨا پیا ۔ ڈاکٹراں نے اوہناں نوں گُردے ٹرانسپلانٹ کروݨ دا مشورہ دتا سی پر اوہناں دے گروپ دے گردے نئیں مل رہے سی ۔ کئیاں سالاں بعد آخرکار اوہناں دے گروپ دا گُردا مِل گیا تے نومبر 2020 وچ اوہناں دا ٹرانسپلانٹ ہو گیا ۔ عالمگیر نے امریکا وچ وی موسیقی نوں جاری رکھیا تے کئی لائیو کنسرٹ کیتے ۔ اوہ امریکا وچ رہائش پزیر نیں تاہم باقاعدگی نال پاکستانی پروگراماں وچ شریک ہو رہے نیں ۔

ایوارڈز تے نامزدگیاں[سودھو]

ڈِسکوگرافی[سودھو]

عالمگیر دے گاݨے تے البمز ، جیہڑے ریلیز ہوئے اوہ مندرجہ ذیل نیں:

  • مجاہدینِ افلاک: تُم ہی سے اے مجاہدو ! جہاں کا ثبات ہے (پاکستان ایئر فورس ولوں تیار ہویا)[۱]
  • آئینا فلم
  • آمے بھاشیلی رے
  • دیکھا نہ تھا کبھی ہم نے یہ سما
  • دیکھ تیرا کیا رنگ کر دیا ہے
  • گوری پنگھٹ پہ تیرو
  • ہارٹ بیٹ (1992)
  • ہم سب کا پاکستان
  • کہہ دینا
  • خیال رکھنا
  • ماؤں کی دعا پوری ہوئی
  • شام سے پہلے آنا

عالمگیر اُتے سوانحی فِلم[سودھو]

البیلا راہی دے ناں نال بݨݨ والی سوانحی فلم وچ فواد خان عالمگیر دا کردار ادا کرن گے ۔ فلم دی ہدایتکاری سلطان غنی کرن گے ۔ ایہ فلم سلطان غنی تے فیصل ہاشمی دے لِکھے اسکرپٹ تے مبنی ہوؤ گی ۔ فوگ کیچر فلمز اس فلم دی تیاری کرن گے ۔ راݨا کامران تصنیف ڈائریکٹر ہوݨ گے ۔


ہور دیکھو[سودھو]


باہرلے جوڑ[سودھو]

  1. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).