علی انوار احمد

آزاد انسائیکلوپیڈیا، وکیپیڈیا توں
علی انوار احمد
گن: پنجابی مخولیہ شاعری

علی انوار احمد پنجابی دے شاعر نیں[۱]


جم[سودھو]

شاہمکھی وچ سال 2017 دا دوسرے ستھان دا ڈھاہاں انعام جتن والے لکھاری علی انور احمد دا جم لیہندے پنجاب دے ضلع قصور دے اک دور دراڈے پنڈ چاہل کہنہ وچ 1963 وچ ہویا۔

تعلیم تے نوکری[سودھو]

ایمّ۔اے۔(اردو) بی ایڈّ تک دی تعلیم حاصل کر کے اسنے ستائی سال تک بطور سکول ٹیچر دی نوکری کیتی۔

ساہتی سفر[سودھو]

سن 2000 ء وچ اسدا پنجابی ساہت ول مہاڑ ہویا اتے اسنے ‘اکھ سمندر ہوئی’ ناں دی پنجابی نظماں دی اپنی پہلی کتاب چھپوائی۔ لاہوروں چھپن والے ‘سویر انٹرنیشنل’ اتے ‘رویل’ رسالیاں نال جڑے پنجابی دانشوراں جمیل اجمد پال اتے کرامت مغل دے کہن نال اوہ کہانی دی رچنا ول اہلیا۔ سن 2002 وچ اسدیاں کہانیاں دی پہلی کتاب ‘انسان تے سپّ’ پنجابی مرکز لاہور ولوں چھاپے چڑھی۔ ایس کتاب نوں مسعود کھدرپوش ٹرسٹ لاہور ولوں پہلا انعام ملیا۔ ہن تک علی انور احمد دیاں کہانیاں دیاں نوں کتاباں چھپ چکیاں ہن اتے اس ولوں لکھیاں گئیاں کہانیاں دی گنتی 200 تک پجدی اے۔ دو وار مسعود کھدرپوش ایوارڈ حاصل کرن توں بناں اوہ کئی ہور انعام اعزاز وی حاصل کر چکیا اے، جنہاں وچ پاکستانی پنجاب دے سرکاری ادارے ‘پنجابی انسٹیچیوٹ آف لینگئیز آرٹ اینڈ کلچر، لاہور’ دا شفقت تنویر مرزاایوارڈ وی شامل اے۔ اسدیاں لکھتاں اپر ‘لاہور یونیورسٹی برائے خواتین’ ولوں ایمّ۔ فل پدھر تے کھوج وی کروائی جا چکی اے۔ اسدیاں کہانیاں دی ہن تک چھپی آخری کتاب ‘تند تند میلی چادر’ وچ 23 کہانیاں شامل ہن، جنہاں وچ پنجابی وسیب تے ثقافت دے وکھ وکھ پکھاں نوں کلاوے وچ لیا گیا اے۔ اپنی ایس کتاب ‘تند تند میلی چادر’ نوں دوسرے ستھان دے ‘ڈھاہاں انعام’ لئی چنے جان تے اوہ بے حدّ خوش اے۔ علی انور احمد دا کہنا اے کہ پنجابی ساہت لئی انٹرنیشنل پدھر تے ڈھاہاں انعام دا جاری ہونا پنجابی زبان تے ادب دی بہتری لئی چکیا گیا اک وڈا قدم اے، جسدی جنی وی صلاحنا کیتی جاوے گھٹ اے۔

ہورویکھو[سودھو]

اتہ پتہ[سودھو]

باہرلےجوڑ[سودھو]