فاطمہ بنت اسد

آزاد انسائیکلوپیڈیا، وکیپیڈیا توں
فاطمة بنت أسد
ولادت مكة المكرمة
وفات مدينة المنورة
قابل احترام أهل السنة والجماعة، الشيعة
نسب فاطمة بنت أسد بن هاشم بن عبد مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانة بن خزيمة بن مدركة بن إلياس بن مضر بن نزار بن معد بن عدنان

فاطمہ بنت اسد ابو طالب دی شریک حیات تے علی بن ابی طالب دی والدہ سن ۔سنہ وفات 626ء اے۔

ناں تے نسب[سودھو]

فاطمہ ناں، اسد بن ہاشم دی بیٹی تھاں تے عبد المطلب، جد ّ رسول اللہ صلی اللہ علیہ و آلہ وسلم دی بھتیجی سن ۔ آپ ابو طالب دے چچا دی بیٹی تے محمد صلی اللہ علیہ و آلہ وسلم دے دادا ہاشم دی پوتی سن ۔

اعزازات[سودھو]

  • اسلامی روایات دے مطابق آپ دی خاطر خانہ کعبہ دی کندھ وچ شگاف ہویا تے آپ تن دن تک کعبہ دے اندر رہیاں تے اوتھے ای علی بن ابی طالب دی ولادت ہوئی۔
  • پہلی ہاشمی خاتون سن جنہاں نے اسلام قبول کیتا ۔
  • پہلی ہاشمی خاتون سن جنہاں نے ہجرت دی۔
  • پہلی ہاشمی خاتون سن جنہاں دی ہاشمی مرد توں شادی ہوئی۔
  • پہلی ہاشمی خاتون سن جو ہاشمی مرد دے بچے دی ماں بناں۔
  • پہلی ہاشمی خاتون سن جنہاں دا بیٹا امام بنا۔ پوتے وی امام بنے۔
  • پہلی ہاشمی خاتون سن جنہاں دا بیٹا خلیفہ بنا۔ پوتا وی خلیفہ بنا۔
  • آپ نے حضرت محمد صلی اللہ علیہ و آلہ وسلم دے ہمراہ تن سال شعب ابی طالب وچ صعوبتاں وی برداشت کیتیاں جدوں قریش نے مسلماناں دا معاشرتی مقاطعہ کیتا سی۔
  • پہلی خاتون سن جنہاں دی وفات اُتے نبی اکرم نے انتہائی دکھ دا اظہار کیتا۔
  • تنہا شخصیت سن جنہاں دے کفن وچ نبی اکرم صلی اللہ علیہ و آلہ وسلم دی قمیض شامل ہوئی۔

اولاد[سودھو]

فاطمہ بنت اسد نوں ایہ اعزاز حاصل اے کہ انہاں نے محمد صلی اللہ علیہ و آلہ و سلم نوں اپنے بیٹے وانگ پالیا جدوں انہاں دے دادا عبد المطلب دی وفات ہوئی تے اوہ ابو طالب دے زیرِ کفالت آئے۔ محمد صلی اللہ علیہ و آلہ وسلم انہاں ماں سمجھدے سن تے کہندے سن۔ جدوں وی اوہ فاطمہ بنت اسد نوں دیکھدے تے احتراماً کھڑے ہو جاندے۔ اس دے علاوہ انہاں دی اپنی اولاد درج ذیل اے۔

نوٹ: عبدالرحمان بن ابی طالب انہاں دے بیٹے نئیں سن۔

بہن/بھائی[سودھو]

وفات[سودھو]

آپ جنت البقیع وچ چار اماماں (حسن بن علی، زین العابدین، محمد باقر تے جعفر صادق) دے نال دفن نیں
آپ دی وفات 626ء وچ آنحضرت صلی اللہ علیہ و آلہ وسلم دی زندگی وچ ہوئی جس دا محمد صلی اللہ علیہ و آلہ و سلم نوں انتہائی دکھ ہویا۔ تے اس سال نوں عام الحزن قرار دتا۔ انس بن مالک راوی نیں کہ جدوں فاطمہ بنت اسد دا انتقال ہویا تو محمد صلی اللہ علیہ و آلہ وسلم انہاں دے گھر تشریف لے گئے تے انہاں دے سرہانے بیٹھ کے فرمایا:-

اے میری ماں خدا آپ نوں اپنی حفاظت وچ رکھے۔ بہت دفعہ آپ نے مجھے کھلانے دے لئی خود بھکھ برداشت کیتی۔ آپ نے ایسیاں اچھیاں چیزاں مینوں کھلائیاں تے ایسا اچھا پہنایا جنہاں توں آپ نے خود نوں محروم کیتا۔ خدا یقیناً آپ دے انہاں اعمال نال خوش اے۔ یقیناً آپ دی نیت اللہ دی رضا حاصل کرنا تے آخرت وچ کامیاب ہونا سی۔

[۳]

اس دے بعد آپ صلی اللہ علیہ و آلہ و سلم نے انہاں دی قبر مبارک دے رکھنے دے لئی اپنی قمیض عنائت فرمائی تے انہاں دی قبر وچ خود اتر کے لیٹے تے اسنوں ملاحظہ کیتا تے فاطمہ بنت اسد دا جسم اقدس اس وچ اتاریا۔ لوکاں نے وجہ دریافت کیتی تے فرمایا میں انہاں نوں قمیض پہنائی کہ جنت وچ انہاں نوں حلہ ملے تے قبر وچ لیٹ گیا کہ شدائدِ قبر وچ کمی واقع ہوۓ۔[۴]

حوالے[سودھو]

  1. مختصر تاريخ دمشق
  2. * الثقات ۹ /۳۰
  3. آیتی، تاریخ پیامبر اسلام، صفحہ 49
  4. اسدالغابہ:5/517

سانچہ:صحابیات