قاسم جلالی

قاسم جلالی
ناں :	قاسم جلالی
قومیئت :	پاکستانی
کم :	اداکار، ڈائریکٹر، پروڈیوسر
رہائش :	کراچی
نیاݨے :	3 دھی آں ، 1 پُتر
اعزاز :	تمغا حسن کارکردگی

قاسم جلالی پاکستان ٹیلی ویژن دے کلاسیک دور دے اک مشہور اداکار ، ڈائریکٹر تے پروڈیوسر نیں ۔ اوہناں دا تعلق کراچی توں اے ۔ قاسم جلالی دے کیریئر دا آغاز 1974ء وچ ہِٹ سیریئل ’’پڑوسی‘‘ توں ہویا ۔ اس توں بعد ’’شمع‘‘ نے اوہناں نوں شہرت بخشی ۔ اوہناں دے سبھ توں کامیاب ڈرامے ’’با ادب باملاحظا ہوشیار‘‘ تے ’’ٹیپو سلطان‘‘ سی ، جیہناں نے کامیابی دے ریکارڈ قائم کیتے ۔ اس توں علاوا ’’کالی دیمک‘‘ ، ’’عروسا‘‘ سمیت ہور بہت سارے ڈرامے وی اوہناں دے کیریئر وچ شامل نیں ۔ اوہناں دی اک دھی ماریا جلالی نے وی پاکستان ٹیلی ویژن کراچی سینٹر دے ڈرامےآں وچ اداکاری کیتی اے ۔

اعزازات

حکومت پاکستان نے قاسم جلالی دی خدمات دے اعتراف وچ 14 اگست 2010 نوں اوہناں نوں صدارتی تمغا حسن کارکردگی عطا کیتا ۔