قدرت اللہ شہاب
| قدرت اللہ شہاب | |
| جمن پو: | 26 فروری 1917 گلگت, پاکستان |
| مرن پو: | 24 جولائی 1986 اسلام آباد' پاکستان |
| کم : | اردو لکھاری' ادیب, بیوروکریٹ |
| گن: | اردو' ناول |
| دیس: | پاکستان |
| مشھور لکھتاں: | شہاب نامہ |
قدرت اللہ شہاب پاکستان چ اردو ادب دے جانے پچھانے لکھاری تے سول سروس دے ملازم سن۔ قدرت اللہ شہاب دی مشعوری دی سب توں وڈی وجہ اوناں دی آپ بیتی اے جیڑی شہاب نامہ دے ناں توں شائع ہوئی۔
جیون[سودھو]
قدرت اللہ شہاب دا جمن پوہ گلگت اے جتھے ڈوگرہ داج دے ویلے ایناں دے والد عبداللہ صاحب گورنر سی۔ عبداللہ صاحب دا تعلق علیگڑھ نال سی تے او سرسیداحمد خان دی سرپرستی چ ایم اے او کالج دے پڑھاکو رئے سی۔ فیر او علی گڑھ توں گلگت ٹر گئے۔ گریجویشن پرنس آف ویلز کالج جموں تے انگریزی وچ ایم اے گورنمنٹ کالج لہور توں پاس کیتا۔
شہاب نے لکھت دی شروعات اردو تے انگریزی بولیاں چ کیتی۔ سولہ سال دی عمر وچ اوناں نے ریڈرز ڈائجسٹ لندن دے تحت ہون آلے مضمون لکھن دے مقابلے چ انعام جتیا۔
ملازمت[سودھو]
ھندستان سول سروس
1940 چ او ھندستان سول سروس چ پعرتی ہو گئے۔ 1943 وچ اوناں دی تقرری صوبہ بنگال وچ ہو گئی۔ 1943 دے قحط ویلے اوناں نے بنگال دے لوکاں لئی بڑا کم کیتا تے ذخیرہ کیتی ہوئی مونجی دا کج حصہ اوناں پکھے لوکاں وچ ونڈ دتا۔ جیدی وجہ توں اوناں دی وڈی مخالفت دا سامنا کرنا پیا۔
پاکستان چ ملازمت تقسیم ھند توں بعد ازاد کشمیر دی حکومت چ سیکرٹری جنرل دی حیثیت نال کم کیتا۔ فیر کج چر لئی گورنر جنرل پاکستان غلام محمد ، سکندر مرزا تے صدر ایوب خان دے سیکریٹری وی رئے۔ پاکستان چ جنرل یحییٰ خان دے حکومت چ آن توں بعد اوناں نے سول سروس توں استعفٰی دے دتا تے اقوام متحدہ دے ادارے یونیسکو چ کم کرن لگ پئے۔
لکھت[سودھو]
شہاب نے اپنی لکھت دی شروعات تے بڑی پہلاں کیتی لیکن اوناں دی اصل مشعوری اردو چ افسانے /کہانیاں لکھن نال ہوئی۔ تے چھیتی ای اوناں دا شمار اردو ادب دے منے پرمنے لکھاریاں وچکار ہون لگ پیا۔
لکھتاں[سودھو]
- شہاب نامہ
- یاخدا
- نفسانے
- ماں جی
- سرخ فیتہ