قل شریف مسیت

قل شریف مسیت
مقامی ناں	(تاتاری وچ: Кол Шәриф мәчете)
حصہ	مسیت ،  سیاحتی مقام
ودھ توں ودھ گنجائش	6000
بنیاد	۱۹۹۶
انتظامی تقسیم
ملک	روس
وقوع تھاں	قازان
تعمیراتی مواد	گرینائیٹ ،  سنگ مرمر
طرز تعمیر	اسلامی فن تعمیر
تقسیم اعلیٰ	قازان
متناسقات	55°47′53″N 49°06′19″E
وقوع متناسقات	55.798094444444°N 49.105175°E / 55.798094444444; 49.105175
مزید معلومات
باضابطہ ویب سائٹ	باضابطہ ویب سائٹ
[مکمل اسکرین پر]

قل شریف مسیت روس دی ریاست تاتارستان دے راجگھر قازان چ واقع مسیت اے جہڑی روس دی سب توں وڈی مسیت اے ۔ اس دے بارے چ ایہہ وی آکھئیا جاندا اے کہ ایہہ یورپ دی سب توں وڈی مسیت اے ۔

ایہہ مسیت 16ویں صدی چ قازان چ تعمیر کیتی گئی ۔ دسئیا جاندا اے کہ اس مسیت دے مینار وی سن ۔ اس نوں روایتی وولگا بلغاریہ انداز چ تعمیر کیتا گئیا سی تے یورپی نشاہ ثانیہ دے اولین دور تے عثمانی انداز وی ورتئیا گئیا سی 1552ء چ خانان قازان( خانیٹ آف کازان) تے روسی زار ایوان گروزنی ( ایوان خوفناک) دی فتح تے سقوط قازان دے بعد روسیاں نے اس مجسد نوں شہید کر دتا تے اس دی تھاں اک گرجا بنائیا ۔ ایہہ مسجد قازان دی کریملن دے اندر واقع سی ۔ ماسکو دی کریملن وانگوں قازان دی کریملن وی ریاست خانان قازان دے حکمراناں دا دربار تے رہائش دا قلعہ بند محل سی ۔

تاتاری دانشوراں دا کہنا اے کہ قل شریف مسجد دیان چند جھلکیاں ماسکو چ قائم مشہور سینٹ باسل گرجے چ ویکھئیاں جا سکدیاں نیں ، جنہاں چ 8 مینار تے اک مرکزی گنبد شامل نیں جہڑے روایتی روسی طرز تعمیر نال تعلق نئیں رکھدے ۔

1996ء چ اس مسیت دی دوبارہ تعمیر دا آغاز ہوئیا جہڑی جدید طرز تعمیر دی حامل اے ۔ نویں مسجد دا افتتاح 24 جولائی 2005ء چ ہوئیا ۔