لیلی

لیلی
پچھان
دیس:	بوٹے
برادری:	پھلوالے بوٹے
ٹبر:	سجری سویر
ٹوکرہ:	چکر کٹدی
سائینسی ناں:	Convolvulus arvensis

لیلی پھلوالے بوٹیاں دے ٹبر سجری سویر دے ٹوکرے چکر کٹدی دی اک ویل اے۔ ایہ ایشیاء تے یورپ دی واسی اے۔ چھیتی اگن تے دوجے بوٹیاں تے چڑھ کے اوہناں دے وادھے نوں روکن باہجوں لیلی نوں پھلواریاں وچ نہیں اگن دتا جاندا۔ پنجاب وچ ایہ کنکاں دی فصل وچ ہوندی اے۔

دکھالا

ایہ ویل 0.5–2 میٹر تک لمی ہوندی اے تے ہر سال ہوندی اے۔ ایہدے پتے تنے دے دوالے ہوندے نیں تے تیر دے سرے ورگے تے 2–5 سینٹی میٹر تک لمے ہوندے نیں۔ پھل 1-2.5 سینٹی میٹر گھیر دے تے چٹے تے ہلکے گلابی رنگ دے ہوندے نیں تے وڈے واجے ورگے ہوندے نیں۔ ایہدا فروٹ ہلکے پؤرے رنگ دا ہوندا اے۔ ہر فروٹ وچ 2 توں 4 تک بی ہوندے نیں۔

ورتݨ

ایہ دوائیاں وچ ورتیا جاندا اے۔ ایہدے پھل دے پراگ تے رو نوں کئی کیڑے، پکھڑوں تے مکھیاں کھاندے پیندے نیں۔

پسار

ایہ یورپ تے ایشیاء دے وسنیک سن پر ہن ساری دنیا تے ایہناں دا پسار اے۔ زمیندار تے مالی ایہنوں چنگا نہیں سمجدے۔

لیلی
پھل	پھل	ویل	پھل اندروں

ہور دیکھو

• پنجاب دے جنگلی پھل

باہرلے جوڑ

• ضلع ٹوبھا ٹیک سنگھ وچ جڑی بوٹیاں
• سندھ وچ کݨک دیاں جڑی بوٹیاں
• ضلع مردان صوبا سرحد وچ کݨک دیاں جڑی بوٹیاں