لیمبورگینی اوینٹاڈور

وکیپیڈیا توں
Jump to navigation Jump to search
Lamborghini Aventador LP 700-4 - Flickr - Alexandre Prévot (2) (cropped).jpg

لمیبورگینی اویٹاڈور اک وشکارلے انجن آلی کھیڈ کار اے جینوں اٹلی دی کمپنی لیمبورگینی بناندی اے۔ ایہ 28 فروری 2011 نوں جینیوا موٹر میلے تے پہلی آری ویچنا شروع کیتی گئی سی۔ اینے لیمبورگینی دی پرانی وی 12 گڈی مرچیلاگو دی تھاں لے لئی اے۔ مارچ 2016 تک لیمبورگینی نیں 5000 اویٹاڈور بنا چکی سی۔

لیمبورگینی نے اوینٹاڈور لئی 50 وریاں بعد اک نواں وی 12 انجن ڈیزائن کیتا۔ ایدا 6.5 لٹر دا انجن 690 ہارس پاور بناندا اے۔ ایدا گیئرباکس 7 گیئراں آلا اک کلچ آلا آٹومیٹک اے جیڑا 50 ملی سیکنڈ وچ گی‏ئر بدلدا اے۔ اوینٹاڈور دا وزن 1,575 کلوگرام اے۔

لیمبورگینی دے بوس نے اوینٹاڈور دے بارے وچ آکھیا سی کہ اے لیمبورگینی دی پہلی گڈی اے جیدے وچ سپیڈ دی تھاں ہینڈلنگ سب توں ضروری شے اے۔ اس دے باوجود اوینٹاڈور لیمبورگینی دی سب توں تیز گڈی اے۔ اے 0 توں 100 کلومیٹر فی کینٹے دی سپیڈ صرف 2.9 سیکنڈ وچ اکیسیلیریٹ کردی اے۔ ایہ 370 کلومیٹر فی کینٹے دی سپيڈ تک جا سکدی اے۔ ٹائراں دی گرپ چنگی رکھن لئی سارے ٹائراں نوں انجن دا زور جاندا اے۔ اس لئی اینوں چلان لئی سب توں آسان لیمبورگینی سمجیا جاندا اے کیونجے پرانیاں لیمبورگینیاں چلانا بوت اوکھا ہوندا اے۔

اوینٹاڈور سپر ویلوچے

سپر ویلوچے[لکھو]

لیمبورگینی اپنی وی 12 کھیڈ کاراں دا اک خاص ورژن بناندی اے جینوں سپر ویلوچے (SuperVeloce) کیندے نیں۔ ایدا مطلب اطالوی وچ بوت تیز ہوندا اے۔ لیمبورگینی اوینٹاڈور سپر ویلوچے مارچ 2015 وچ وکھائی گئی سی۔ ایدے وچ انجن نوں اور طاقت دے دتی گئی سی جس نال اودی طاقت 750 ہارس پاور ہوگئی۔ ایدا وزن وی 50 کلوگرام کٹا دتا گيا تے ہوا دا دباؤ 180٪ ودا دتا گيا جس نال اے روڑ نال چپک جاندی اے۔ سٹیرنگ وہیل وی الیکٹراک کردتا گيا جس نال اے بوت تیز سپیڈاں اتے موڑ کٹ سکدی اے۔