محبوب الحق

آزاد انسائیکلوپیڈیا، وکیپیڈیا توں
Jump to navigation Jump to search
محبوب الحق
Mahbub-ul-Haq.jpg

Mahbub ul Haq

ناں : محبوب الحَق
جمݨ دیہاڑ : 24 فروری 1934
جنمستھان : گرداسپور پنجاب
مرن دیہاڑ : 16 جولائی 1998
مرنستھان : نیو یارک شہر امریکا
کَم : معیشت دان، سیاست دان
قوم : پنجابی
ملک : پاکستان
عہدا : وفاقی وزیر خزانا
مادر علمی : پنجاب یونیورسٹی (بی ایس)، کنگز کالج، کیمبرج (بی اے)، ییل یونیورسٹی (پی ایچ ڈی)
گھر آلی : خدیجا حَق
نیاݨے : 2

محبوب الحق (24 فروری 1934 - 16 جولائی 1998) اک پاکستانی ماہر معاشیات ، سیاست دان تے بین الاقوامی ترقی دے تھیوریسٹ سی ۔ اوہ 10 اپریل 1985 توں 28 جنوری 1986 تک پاکستان دے وفاقی وزیر خزانا رہے تے جون 1988 توں دسمبر 1988 تک دوبارا بطور وفاقی وزیر خزانا خدمات انجام دِتیاں ۔

گورنمنٹ کالج لہور توں معاشیات وچ گریجوئیشن کرن توں بعد اوہناں نے کیمبرج یونیورسٹی چوں دوسری ڈِگری حاصل کرن لئی اسکالرشپ حاصل کیتا ۔ اس توں بعد اوہناں نے ییل یونیورسٹی توں پی ایچ ڈی دی ڈِگری حاصل کیتی تے ہارورڈ کینیڈی اسکول وچ پوسٹ ڈاکٹرل پرکھ پرچول کیتی ۔ اوہ 1960 دے دہاکے وچ پلاننگ کمیشن دے چیف ماہر معاشیات دے طور تے خدمات انجام دیݨ لئی پاکستان واپس آگئے ۔ ایوب خان دے زوال توں بعد اوہ واپس امریکا چلے گئے جِتھے 1982 تک ورلڈ بینک دے ڈائریکٹر پالیسی پلاننگ دے طور تے خدمات انجام دِتیاں ۔ اوتھوں اوہناں نے کَعھٹ آمدݨی آلے مُلکاں وچ ترقی وچ مدد فراہم کرن دے نُقطا نظر وچ اہم کردار ادا کیتا ۔

اوہ 1982 وچ پاکستان واپس آگئے تے 1985 وچ معاشی لبرلائزیشن دے دورانیے دی نگرانی کردے ہوئے پاکستان دے وفاقی وزیر خزانا بݨے ۔ 1989 وچ اوہ واپس امریکا چلے گئے ۔ اوتھے اوہناں نے اقوام متحدہ دے ترقیاتی پروگرام (یو این ڈی پی) دے ایڈمنسٹریٹر وِلیئم ہنری ڈریپر دے خصوصی مشیر دے طور تے خِدمات انجام دِتیاں ۔ یو این ڈی پی ، وچ اوہناں نے ہیومن ڈویلپمنٹ رپورٹ تے بڑے پیمانے اُتے ایچ ڈی آئی دے قیام دی قیادت کیتی ۔ جیہڑی صِرف آمدݨی دی بجائے بہبود نال ترقی دی پیمائش کردی اے ۔ اوہ 1996 وچ اسلام آباد وچ ہیومن ڈویلپمنٹ سینٹر دے قیام لئی پاکستان واپس آئے ۔

محبوب الحق 16 جولائی 1998 نوں نیویارک شہر وچ انتقال کَر گئے ۔ اوہناں نے اپݨے مگر سوگ واراں وچ اہلیہ خدیجا حق ، پُتر فرحان تے دھی تونیما چھڈے ۔


سیکرٹری جنرل اقوام متحدہ کوفی عنان نے اوہناں دے مرن تے کہیا :

محبوب الحق دی بے وقت موت دنیا لئی نقصان اے

ورلڈ بینک دے صدر جیمز وُلف سَن نے اوہناں دی موت تے کہیا :

شاید کِسے ہور توں زیادا (محبوب) نے 1970 دے دہاکے دے مُڈھ وچ غربت وچ کمی دی بینک دی کمِٹمنٹ لئی فِکری محرک فراہم کیتا سی ۔ اوہناں دیاں انوکھیاں اہم شراکتاں دنیا لئی رجحان ساز سی تے جنوبی ایشیائی معاشرتی حقائق اُتے توجہ مرکوز کردے ہوئے ساڈے سَبھ اُتے زور دِتا کہ اپݨے معاشرتی نظریے دے تاریک کونےآں نوں دیکھو