مدہانی

وکیپیڈیا توں
Jump to navigation Jump to search

مدہانی دہی رڑکن لئی ورتیا جان والا بھانڈا اے۔ ایہہ چار پنج چیزاں تے مشتمل ہوندا اے۔ اوہ برتن جیہدے وچ لسی رڑکی جاندی اے اونوں چاٹی کیہندے نيں تے اوہ مٹی دی بنی ہوندی اے۔ چاٹی گھڑونجی تے سیٹ کیتی گئی ہوندی اے۔ چاٹی دے مونہہ تے اک چپن ہوندا اے۔ جیہدے وچ موری ہوندی اے۔ مدہانی لکڑ دا اک ڈنڈا ہوندا اے جیہدے چار پاسے چار نوکاں بنیاں ہوندیاں نیں۔ مدہانی چپن دی موری چوں ہوندی ہوئی چاٹی وچ پئی ہوندی اے۔ مدہانی دے اُتے اک رسی لپیٹی ہوندی اے جیہنوں لسی رڑکن والی اپنے ہتھاں وچ پھڑ لیندی اے۔ رسیاں نوں واری واری کچھن نال مدھانی چاٹی دے اندر گُھمدی اے تے دہی مکھن تے لسی دی شکل وچ بدل جاندا اے۔ گھڑونجی نال اک ڈنڈا وی بجھیا ہوندا اے تے مدہانی دا اپر والا حصہ ایس ڈنڈے نال مدہانی نوں سہارا دین دی خاطر بنیا ہوندا اے۔ لسی رڑکن والی پیڑھی تے بیھ کے لسی رڑکدی اے۔ صدیاں توں پنجاب دے ہر زمین دار گھروچ مدہانی موجود رہی اے۔ اج کل بجلی دیاں مدہانیاں آگیاں نیں۔