ممتاز قادری

وکیپیڈیا توں
Jump to navigation Jump to search
جم ملک ممتاز حسین
1985
راولپنڈی
موت 29 فروری 2016
اڈیالہ جیل، راولپنڈی
مرن دی وجہ پھانسی
کون اے پاکستانی
کِتہ پولیس اہلکار
مذہب اسلام
الزام قتل

ملک ممتاز حسین قادری اعوان  (جمے: 1985ء -وفات: 2016ء راولپنڈی) پاکستان دی پنجاب پولیس دے کمانڈو یونٹ ایلیٹ فورس دے اک سپاہی سن. او گورنر پنجاب سلمان تاثیر دے محافظ اسکواڈ چ شامل سن. اوہناں نیں گورنر نوں توہین رسالت ﷺ  دے قانون نوں کالا قانون آکھن تے قتل کر دتا سی.

واقعہ[لکھو]

ممتاز قادری نوں یکم اکتوبر 2011ء چ روالپنڈی دی انسداد دہشتگردی  دی اک عدالت نےقتل دا مجرم قرار دے کے سزائے موت دا حکم دتا. جس تے سپریم کورٹ نیں چھیتی ای حکم امتناعی جاری کر دتا. ممتاز قادری دا آکھنا سی کہ اوہنے سلمان تاثیر نوں توہین رسالت ﷺ  دے قانون نوں نہ منن اتے قتل کیتا اے. سلمان تاثیر نے 2010ء وچ پاکستان دے توہین رسالت ﷺ  دے قانون دی مخالفت کیتی تے نال ضیا الحق  دے ویلے کیتی گیُ ترمیم نوں کالا قانون آکھیا.

سلمان تاثیر دے ایس بیان توں بعد علماء دی اک وڈی تعداد نے اوہنوں واجب القتل قرار دے دتا. 4 جنوری 2011ء  نوں ملک ممتاز حسین قادری نے اسلام آباد دے علاقے ایف -6 دی کوہسار مارکیٹ وچ اوہنوں قتل کر دتا۔

پھانسی[لکھو]

ممتاز قادری نوں 29 فروری 2016ء نوں اڈیالہ جیل چ پھانسی دتی گئی۔جیل حکام دے مطابق ممتاز قادری نوں اتوار تے پیر دی وچلی رات پھانسی دتی گئی۔پھانسی ویلے اڈیالہ جیل جان والے راہ نوں سیل کر دیتا گیا سی تے انہاں دی لاش قانونی کارروائی پوری کرن دے بعد اہلِ خانہ دے حوالے کر دتی گئی سی۔ ممتاز قادری نوں پھانسی دِتے جان دا معاملہ انتہائی خفیہ رکھیا گیا تے اس بارے چ پنجاب دے محکمہ جیل خانہ جات دے چند افسران ہی باخبر سن۔

پھانسی دین والے بندے نوں خصوصی گڈی راہیں اتوار دی رات لاہور توں راولپنڈی دی اڈیالہ جیل پہنچایا گیا جدونکہ عموماً پھانسی دین والے جلاد نوں دو دن پہلے آگاہ کیتا جاندا اے کہ اونیں کس جیل چ قیدیاں نوں تختہ دار اتے لٹکانا اے۔

پھانسی گھاٹ چ موجود لو کاں دا کہنا اے کہ ممتاز قادری پھانسی دے وقت حالت روزہ چ سی تے تختہ دار اتے لٹکدے ہوئے اس دی زبان اتے درود سلام جاری سی ۔

نماز جنازہ[لکھو]

نماز جنازہ 4 وجے لیاقت باغ چ ادا کیتی گئی جس چ اک اندازے دے مطابق اک لاکھ توں ودھ لوکاں نے شرکت کیتی[1] ۔ نماز جنازہ دی امامت علامہ سید حسین الدین شاہ ، مہتمم جامعہ رضویہ ضیاء العلوم ،راولپنڈی ، سرپرست اعلیٰ تنظیم المدارس اہل سنت پاکستان نے کرائی۔ جنازہ چ لکھاں افراد دی شرکت دے باوجود کسے قسم دا ناخوشگوار واقعہ سامنے نہیں آیا۔ پاکستانی میڈیا نیں پیمرا دے حکم تے ایس واقع نوں خبراں دا حصّہ نہیں بنایا.

حوالے[لکھو]

بیرونی حوالے[لکھو]