مکابی بغاوت

وکیپیڈیا توں
جاؤ: پاندھ, کھوج

175 قبل مسیح چ یونانی بادشاہ انطیوکس تخت اتے بیٹھیا۔ انطیوکس نے بنی اسرائیل اُپر بوہت ظلم کیتے۔ شریعت موسوی اتے پابندی لا دتی۔بنی اسرائیل نوں اُنہاں دی عبادات توں روک دتا۔ بیت المقدس چ زبردستی بت رکھوا دتے۔ یہودیاں نوں مجبور کیتا کہ اُنہاں بتاں دی عبادت کرن۔جس یہودی دے کول توریت دا نسخہ برآمد ہوندا اسنوں سزائے موت دتی جاندی۔سارے یہودی قنوناں دی تھاں یونانی قنون نافذ کر دتے گئے۔ اس دا نتیجہ ایہ ہویا کہ یہودی اشرافیہ چ تاں یونانی رہتل رچن لگی پر روایت پسند یہودیاں نے حالات دا مقابلہ کیتا۔ اک زبردست تحریک اٹھی جو تریخ چ مکابی تحریک جاں مکابی بغاوت دے ناں ہوں مشہور اے۔ اس بغاوت چ بوہت خون خرابہ وی ہویا پر 140 قبل مسیح چ یہودیاں نے اپنی اک آزاد دینی ریاست یہودیہ (Judea)‘ قائم کرلی جو 63 ق م تک قائم رہی۔ یہودیاں نے یروشلم اتے دوبارہ قبضہ کر لیا تے بیت المقدس نوں بتاں توں پاک کیتا، ایسے خوشی چ یہودیاں نے شاندار جشن منایا۔اس واقعے دی یادگار چ یہودی اج وی ہنوخ ناں دا تہوار مناندے نیں[1]۔

ہور پڑھو[لکھو]

حوالے[لکھو]

  1. Warren Matthews.World Reliogions. Page 259. Canada: Cengage Learning, 2011