میونسپل کارپوریشن

آزاد انسائیکلوپیڈیا، وکیپیڈیا توں

میونسپل کارپوریشن (Municipal corporation)، شہر دے بلدیاتی معاملات دا انتظامی ادارہ ہُندا اے۔ پاکستان، امریکا، بھارت، کینیڈا تے آئرلینڈ سمیت بہت سارے مُلکاں چ میونسپل کارپوریشن دا ادارہ موجود اے۔

تھریسر چ میونسپل کارپوریشن دا گھینٹھا گھر
چنائی دی میونسپل کارپوریشن دا دفتر

میونسپل کارپوریشن دا کم[سودھو]

میونسپل کارپوریشن دیاں بنیادی ذُمے داریاں وچ صاف پاݨی دی فراہمی، سیوریج، گٹر، نالیاں، گلیاں تے سڑکاں، قبرستاناں، پارکاں، دوجیاں سیرگاہواں، لاری اڈےآں، مویشی منڈیاں، غلا منڈیاں تے سبزی منڈیاں دی دیکھ بھال، تعمیر و مرمت تے تجاوزات دے خاتما اے۔

میونسپل کارپوریشن دے ملازم تے افسر[سودھو]

میونسپل کارپوریشن وچ وکھ وکھ کھیتراں چ بہت سارے ملازم کم کر دے نیں۔ میونسپل کارپوریشن دا سبھ توں وڈا افسر چیف آفیسر ہُندا اے تے اوہدی معاونت لئی ڈِپٹی چیف آفیسر وی ہُندا اے۔

میونسپل کارپوریشن دے مِمبرز تے میئر[سودھو]

میونسپل کارپوریشن دے معاملات وچ لوکاں دی رݪت تے اوہناں نوں سانجھے دار بݨاوݨ لئی کارپوریشن وچ نمائندگی لئی شہر وچوں مِمبرز تے اک میئر چُݨیا جاندا اے۔ میئر توں تھلے ڈپٹی میئر ہُندا اے۔ میئر میونسپل کارپوریشن دا سبھ توں وڈا منتخب عہدے دار ہُندا اے۔


ہور دیکھو[سودھو]