میکنٹوش

آزاد انسائیکلوپیڈیا، وکیپیڈیا توں
آئی میک

میکنٹوش Macintosh ایپل دے بناۓ ہوۓ کمپیوٹراں دا اک ٹبر اے۔ ایپل نے پہلا میکنٹوش 24 جنوری 1984 نوں ٹوریا۔ میکنٹوش کمپیوٹر ایپل دے اپنے بناۓ ہوۓ آپریٹنگ سسٹم میک او ایس Mac OS تے ٹردے نیں، اس توں پہلاں میکنٹوش مائکروسافٹ ڈوس MS DOS تے مائکروسافٹ ونڈوز Microsoft Windows تے وی ٹردے سن۔ میکنٹوش 1984 چ آن توں بعد بوت وکے، مگر 1990 دی پہلی دہائی چ ایںاں دی وکائی کٹ گئی۔ مگر 1998 چ ایپل نے میکنٹوش دا نواں کمپیوٹر آئی میک بنایا جیڑا کے بوت زیادہ وکیا۔ اس ویلے میکنٹوش 5 کمپیوٹراں دا ٹبر اے: میکبک ایئر، میکبک پرو، میک منی، آئی میک تے میک پرو۔

میکنٹوش کمپیوٹر ایپل نے ہر قسم دے ورتن والیاں واسطے بناۓ نیں۔ ایناں نوں کعر، سکولاں تے پروفیشنل کماں واسطے ورتیا جاندا اے۔ میکنٹوش کمپیوٹر دا تقریبا ہر پرزا تے سافٹویئر ایپل آپے بناندا اے۔ اس طرح ایپل ایناں دا مل وی اپنی مرضی نال لا سکدا اے۔ میکنٹوشاں دے پراسیسر انٹل کمپنی بناندی اے تے گرافکس کارڈ اے ٹی آئی ATI یا این وڈیا nVidia بناندی اے۔ سب توں پرانے میکنٹوش (1984-1994) موٹورولا دے پراسیسر دے اتے ٹردے سن تے اس توں بعد آئی بی ایم دے پراسیسر ورتے گۓ تے 2006 توں بعد انٹل دے پراسیسر ورتے جاندے نیں۔