نمرہ احمد خان
 | |
|---|---|
| جم | ستمبر 9, 1990 بھکر، پاکستان |
| کم کِتہ | ناول نگار، افسانہ نگار، سکرین رائٹر |
| بولی | اردو |
| قومیت | پاکستانی |
| وڈے کم | نمل، جنت دے پتے، مصحف، حالم |
نمرہ احمد (پیدائش: 9 ستمبر 1990ء، بھکر، پاکستان) اک مشہور پاکستانی اردو ناول نگار، افسانہ نگار تے سکرین رائٹر نیں۔ اوہناں نے اپنے منفرد انداز، اسلامی موضوعات تے سنسنی خیز کہانیاں دے ذریعے اردو ادب وچ اک خاص مقام حاصل کیتا اے۔
اوہ میانوالی نال تعلق رکھدیاں نیں تے لاہور وچ مقیم نیں۔ نمرہ احمد خان دا تعلق نیازی خاندان نال اے۔ اوہنے صرف 16 سال دی عمر وچ لکھنا شروع کیتا تے تھوڑے وقت وچ ہی اپنے پرستاراں دا اک مضبوط حلقہ بنا لیا۔ ایہ مقام حاصل کرن لئی اوہنے کافی محنت تے جدوجہد کیتی۔
ادبی سفر
نمرہ احمد دے ناولاں نے عوام وچ بے مثال مقبولیت حاصل کیتی۔ اوہناں دے قارئین دے مطابق، اوہناں دے الفاظ وچ جادو اے تے اوہ دل نوں چھو جاندے نیں۔ اوہناں دے مشہور ناول جنت دے پتے، نمل تے حالم نہ صرف پسند کیتے گئے بلکہ اوہناں وچ دتا گیا پیغام وی عملی زندگی وچ سراہیا گیا۔
حالم ناول دا موضوع خاص طور تے حساس سی، جس نوں پڑھنے والیاں نے نہ صرف پسند کیتا بلکہ اردو فکشن وچ اک سپر نیچرل کہانی نوں دل و جان نال قبول وی کیتا۔
مشہور کم
- میرے خواب میرے جگنو
- سانس ساکن سی
- مصحف
- جنت دے پتے
- نمل
- حالم
- مالا
- پارس
- وہ میرا اے
- حد
- احمق تماشائی
- ابلیس
- اپنی انگلی
- حسنِ انجام
- ہوم گرل
- میں انمول
ذاتی زندگی
نمرہ احمد خان نے کنئیرڈ کالج لاہور توں انگریزی ادب وچ ماسٹرز دی ڈگری حاصل کیتی۔ اوہنے 2016 وچ زنجبیل ناں اک آن لائن بک اسٹور وی شروع کیتا، جو خواتین نوں گھر بیٹھے کم کرن دے مواقع فراہم کردا اے۔
ابتدائی زندگی تے تعلیم
نمرہ احمد نے بہت چھوٹی عمر وچ ہی لکھائی دا آغاز کر دتا۔ اوہدا پہلا ناول میرے خواب میرے جگنو 2007 وچ شائع ہویا، جد اوہ صرف 16 سال دی سی۔ اوہنے لاہور دے کنئیرڈ کالج توں انگریزی ادب وچ ماسٹرز دی ڈگری حاصل کیتی۔ تعلیم مکمل کرن توں بعد اوہنے اپنی ساری توجہ لکھن، کہانیاں تے تصنیف دے کم ول لا دتی۔[۱]
انٹرویو تے موضوعات اُتے اظہار خیال
نمرہ احمد نے کئی انٹرویوز وچ اپنے خیالات دا اظہار کیتا اے، جتھے اوہنے عورتاں دی خودمختاری، مذہب تے ادب دے کردار بارے گل بات کیتی اے۔