نووایا زیملیا

آزاد انسائیکلوپیڈیا، وکیپیڈیا توں
نووایا زیملیا

نووایا زیملیا (روسی بولی چ مطلب نویں بھوئیں یعنی نویں زمین) مطلب نویں بھوئیں وڈا سمندر آرکٹک دا اک جزیرےآں دا مجموعہ اے جہڑا روس دے شمال چ واقع اے ۔ اسنوں انگریزی تے ولندیزی بولی چ نووا زیملا وی آکھئیا جاندا اے ، جدوں کہ نارویجی بولی چ " گاؤس لینڈیٹ" کہندے نیں جس دا مطلب اے " ہنساں دی سرزمین " ۔ ایتھے دا راس زیلانیا یورپ دا شمال مشرقی ترین علاقہ اے ۔ اینہاں جزیرےآں دے مجموعے دا انتظام روس دے ارخانگلسک اوبلاست دے کول اے ۔ ایتھے دی آبادی 2002ء دے مطابق 2716 اے ، جنہاں چوں 2622 بیلوشیاگوبا چ رہندے نیں ، جہڑا نووایا زیملیا ضلع دا انتظامی مرکز تے نوآبادی اے ۔


جغرافیہ[سودھو]

نووایا زیملیا چ ایٹمی تجربے کرن آلیاں تھانواں دا نقشہ

نووایا زیملیا 2 وڈے جزیرےآں تے مشتمل اے جہڑا اک پتلے آبی لانگے آبنائے ماتوچکن دے راہیں اک دوجے نال جدا نیں ۔ 2 موکزی جزیرے سیورنی (مطلب:شمالی) تے یوزنی (مطلب:جنوبی) نیں ۔ نووایا زیملیا بحیرہ بیرنٹس نوں بحیرہ کارا نالوں جدا کردا اے ۔ نووایا زیملیا دا کل رقبہ 90 ہزار 650 مربع کلومیٹر اے ۔


اہمیت[سودھو]

سرد جنگ دے دوران نووایا زیملیا اک حساس عسکری علاقہ سی جتھے جزیرے دے جنوبی علاقے چ سویت فضائیہ نے اک ہوائی اڈا قائم کر رکھئیا سی ۔ اس عرصے وچکار سویت یونین ایتھے مختلف جوہری تجربے وی کردا رہئیا ۔ اس عرصے چ ایتھے 224 جوہری دھماکے کیتے گئے ، ایتھے آخری جوہری تجربہ 1990ء چ کیتا گئیا ۔


ولیم بیرنٹس[سودھو]

مشہور ولندیزی بحری مہم جو ولیم بیرنٹس اک مہم دے دوران نووایا زیملیا چ پھس گئیا سی تے ایپی جان توں ہتھ دھو بیٹھا ۔