وڈا سمندر اوقیانوس

وکیپیڈیا توں
جاؤ: پاندھ, کھوج
Atlantic Ocean.png

وڈا سمندر اوقیانوس دنیا دا دوجا وڈا سمندر اے تے ایہنے زمینی پدھر دے پنجویں حصے نوں گھیریا ہویا اے۔ اسدا انگریزی ناں 'اٹلانٹک' یونانی لوک کہانیاں توں لیا گئیا اے تے اٹلانٹک دا مطلب اطلس دا پتر اے۔ پنجابی وچ ایہ شبد عربی توں آیا اے۔

ایہ سمندر دا ٹوبہ انگریزی حرف "ایس" دیمورت وچ اتر توں دکھن ول پھیلیا ہویا اے۔ اسدے لیندے پاسے اتری تے دکھنی امریکا تے چڑھدے چ یورپ تے افریقہ نیں ۔ ایہہ وڈا سمندر آرکٹک، بحرالکاہل، وڈا سمندر ہند تے دکھنی وڈا سمندر نال ملیا ہوئیا اے۔ بحرالکاہل تے وڈا سمندر اوقیانوس نوں نہر پانامہ وی آپس وچ جوڑدی اے۔

وڈا سمندر اوقیانوس نے زمین دے نیڑے تریڑے 20 ٪ حصے نوں گھیریا ہوئیا اے تے رقبے چ ایہ صرف بحرالکاہل توں چھوٹا اے۔ اپنے رلدے سمندراں نوں سمندراں نوں رلا کے اسدا رقبہ 10 کروڑ 64 لکھ مربع کلومیٹر اے تے اہناں توں بغیر 8 کروڑ 24 لکھ مربع کلومیٹر اے۔ وڈا سمندر اوقیانوس دی مدری ڈونگائی 3926 میٹر اے تے چوڑائی کدرے گھٹ تے کدرے ودھ اے۔ اسدی گھٹ توں گھٹ چوڑائی برازیل تے لائبیریا دے وشکار 2848 کلومیٹر اے تے ودھ توں ودھ چوڑائی امریکا تے اتلے افریقہ دے وشکار 4830 کلومیٹر اے۔ وڈا سمندر اوقیانوس دا سمندری کنڈا کٹیا پھٹیا اے تے بہت سارے سمندراں ،کھاڑیاں تے خلیجاں چ پھلیا ہوئیا اے۔ ایہناں چ کیریبین سمندر ، خلیج میکسیکو ، خلیج سینٹ لارنس ، رومی سمندر ، کالا سمندر ، لیبراڈور سمندر اتری سمندر تے ناروی سمندر آندے نیں۔ وڈا سمندر اوقیانوس چ بہت سارے چزیرے ہے نیں جنہاں چ گرین لینڈ ، برطانیہ ، آئرلینڈ ، فاک لینڈ تے ویسٹ انڈیز دے جزیرے وڈے نیں باقی بہت سارے چھوٹے جزیرے وی نیں ۔