ٹالسٹائی

Wikipedia توں
جاو: مدد, کھوج
Leo Nikolayevich Tolstoy / لیو ٹالسٹائی

ٹلسٹائی دی 1908ء چکھچی واحد رنگین مورت
Occupation ناول نگار
Genres حقیقت پسند
Notable work(s) جنگ اور امن
اینا کیرینینا

Signature
ٹالسٹائی دی سوانی صوفیہ تے اینہاں دی دھی الیگزینڈرا دا پوٹریٹ
ایلیا رپن دا 1887ء چ بنایا ٹلسٹائی دا پوٹریٹ


روسی ناول لکھاری تے فلسفی ۔ 9 ورہیاں دی عمر چ یتیم ہوگئیا ، 16 سال دی عمر چ قازان یونیورسٹی چ داخل ہوئیا پر ڈگری حاصل کیتے بغیر پڑھائی چھڈ دتی ۔ 1849ء چ اپنی جاگیر چ کاشت کاراں لئی اک سکول قائم کیتا جس دے ناکام ہو جان مگروں ماسکو تے فیر سینٹ پیٹرزبرگ چلا گئیا ۔ 1851ء چ ملازمت کر لئی ۔ اپنی سوانع عمری دی پہلی جلد "بچپن" اپنی ایسے ملازمت دے دوران لکھئیا ۔ 1854ء چ فوج چ شامل ہوئیا ، اس ویلے دے تجربے بعد چ اس دے شاہکار ناول " جنگ تے امن" دی بنیاد بنے ۔ فوج چھڈن دے کئی ورہے بعد تک کدی ماسکو تے کدی اپنی جاگیر تے رہندا رہئیا ۔

ماسکو چ ترگنیف تے اپنے ویلے دے دوجے ادیباں نال دوستانہ تعلقات بن گئے ۔ اس نے اپنے سارے مزارعاں نوں آزاد کر دتا تے اینہاں لئی اک سکول وی کھولئیا جہڑا ناکام رہئیا ۔ 1857ء تے فیر 1860ء چ لہندے یورپ دا دورہ کیتا تے جدید تہذیب نال براہ راست واقفیت حاصل کیتی ۔ یورپ توں پرتن مگروں ویاہ کیتا تے اگلے 15 ورہے مسلسل اپنی جاگیر تے رہئیا ۔ 1876ء چ اوہ خیالات جہڑے شروع توں اسدے ذہن چ چھائے ہوئے سن ، شدت پھڑ گئے ۔ سخت روحانی کشمکش دے مگروں اسنے انسانی محبت تے عدم تشدد نوں اپنا مسلک قرار دتا ۔ تے باقی جیون اپنے ٹبر تے غریباں لئی وقف کر دتی ۔ تے زبان تے قلم نال جمہوریت ، مساوات تے اخوت دی تلقین کرن لگا ۔ اس دے انقلابی خیالات روس دے باہر دی مقبول ہون لگے ۔ لوکاں تے اسدا اثر تے رسوخ اینا ودھ سی کہ روسی سلطنت نوں وی اسدیاں سرگرمیاں دی مخالفت کرن دی جرات نا ہوئی ، حالانکہ روسی کلیسا نے 1901ء چ اسنوں خارج کر دتا سی ۔ اسدے مشہور ناول "اینا کرانینا " تے جنگ تے امن" نیں جہڑے اسنے بالترتیب 1865ء توں 1869ء تے 1875ء توں 1877ء چ لکھے۔