ٹھنڈی بوٹی

آزاد انسائیکلوپیڈیا، وکیپیڈیا توں
ٹھنڈی بوٹی
پچھان
دیس : بوٹے
ارڈر : بوٹے
ٹبر: فرن ٹبر
سائینسی ناں: Adiantum capillus-veneris

ٹھنڈی بوٹی جیہنوں کھوئی بوٹی وی کیندے نیں فرن ٹبر دی اک بوٹی اے۔ ایہ کھوئیاں وچ تے ٹھنڈی گلی تھاں تے ہوندی اے۔ ایہ دنیا وج عام ملدی اے تے پھلواریاں تے گھراں وچ لگائی جاندی اے[۱]۔

پسار[سودھو]

ایہ اتلے امریکہ وچ کیلیفورنیا توں لے کے چڑھدے کنڈے تک تے تھلے میکسیکو تے دکھنی امریکہ تک ہوندی اے۔ ایہ یوریشیا تے اسٹریلیا وج وی ہوندا اے۔ ایہ گلیاں چھانوالیاں تھانواں تے پتھراں وج کسے کسی دے کنڈے تے یا کسی دیوار وچ جیہدے تے گل ہووے آپنے آپ لگ جاندا اے۔

وکھالہ[سودھو]

ایہ 6 توں 12 انچ (15 توں 30 سینٹی میٹر) تک وددا اے تے ایھدیاں جڑاں 8 توں 27.5 انچ (20 توں 70 سینٹی میٹر) تک پھیلیاں ہوندیاں نیں۔ ایہدیاں نکیاں ٹاہنیاں تے 0.2 توں 0.4 انچ (5 توں 10 ملی میٹر) دیاں پتیاں لگیاں ہوندیاں نیں۔ ایہ پتیاں سدا ہریاں رہندیاں نیں۔ ایہدیاں ٹاہنیاں کالیاں تے تارورگیاں ہوندیاں نیں۔


اگائی[سودھو]

ایہ دنیا دے لامت تھانواں تے گھراں دے اندر تے پھلواریاں وچ اگایا جاندا اے۔ ایہ چھانوالیاں، ٹھنڈیاں گلیاں تھانواں نون پسند کردا اے۔ پنجاب وچ ایہ عام کھوواں وچ ہوندا اے۔

دارو[سودھو]

پنجاب وچ ایہ نکسیر روکن لئی ورتی جاندی اے۔

ٹھنڈی بوٹی

بارلے جوڑ[سودھو]

اتہ پتہ[سودھو]