پائیتھن (کمپیوٹر بولی)

آزاد انسائیکلوپیڈیا، وکیپیڈیا توں
پائیتھن دا نشان

پائیتھن اک کھلے سورس آلی کمپیوٹر بولی اے تے سوہنی لکھائی تے سوکھیاں سمجنا ایدیاں اچیچیاں گلاں نيں۔ 1991 وچ پروگرامر گوئیڈو وان روسم نیں اینوں بنایا سی۔ پائیتھن اک انٹرپرٹڈ بولی اے۔ انٹرپرٹ ہون آلیاں بولیاں نوں ٹورن لئی کمپائلر دی لوڑ نئیں ہوندی۔ اک پروگرام جینوں انٹرپریٹر کیندے نیں پائیتھن دے کوڈ نوں کسے وی کمپیوٹر اتے ٹور سکدا اے جیدے تہ اوہ آپ چلدا ہوۓ۔ اس نال اگر پروگرامر نوں کوڈ وچ کوئی تبدیلی کرنی ہوۓ اوہ دستی پروگرام ٹور کہ ویکھ سکدا اے کہ کم ہوگیا کہ نئیں۔ مگر اس دا اک نقصان ایہ وے کہ پائیتھن کمپائل ہون آلیاں بولیاں توں آہستہ ٹردی اے کیونجہ ایہ مشین بولی چ تبدیل نئیں ہوندی بلکہ پہلاں اک ہور کمپیوٹر بولی چ بدلی جاندی اے۔

پائیتھن سکھنا آسان اے اس لئی اینوں کمپیوٹر بولیاں سکھن لئی سب توں پہلاں پڑھیا جاندا اے۔ ایہ اک اتلی کمپیوٹر بولی اے جس دا مطلب ایہ کہ پروگرامر نوں بس ایہ گل سوچنی پیندی اے کہ کم کی کرنا اے نا کہ کم کنج کرنا اے۔ دوجی کمپیوٹر بولیاں دے مقابلے تے پائیتھن چ پروگرام لکھن تے کٹ ویلا لگدا اے۔