پاک ٹی ہاؤسلہورپاکستان وچ شاعراں تے لکھاریاں دا 81 ورے پرانا اک ہوٹل تے ملن بیٹھن دی تھاں اے۔ پاکستان بنن توں پہلے ایہدا ناں انڈیا ٹی ہاؤس سی تے ایہدا مڈھ 1940 وچ اک سکھ ٹبر نے رکھیا۔ ونڈ مگروں ایہدا ناں پاک ٹی ہاؤس رکھیا گیا پر عام بولی وچ ایہ ٹی ہاؤس ای ریا۔ سعادت حسن منٹوفیض احمد فیض تے احمد فراز ایتھے آکے بیندے تے چآ پیندے سن۔ اگے ودیاں سوچاں والے لوکاں دے ملن بیٹھن دی اچیچی تھاں سی۔ کاروبار مندا پین باجوں 2000 وچ ای ٹی ہاؤس بند کردتا گیا۔
8 مارچ 2013 نوں اینوں نواز شریف نے دوبارہ کھولیا۔ پنجاب سرکار نے ایہدے تے 85 لکھ رپے لاکے ٹھیک کیتا اے تے ہن ایتھے 60 بندیاں بیٹھن دی تھاں اے۔ ایہ انارکلی تے نیلا گمبد کول مال روڈ ول اے۔
