پرتھوی راج کپور

وکیپیڈیا توں
Jump to navigation Jump to search
Prithviraj Kapoor portrait 1929.jpg
جم 3 نومبر 1901(1901-11-03)
سمندری،ضلع لائلپور ،برطانوی پنجاب ، برطانوی ہند
(ہن پنجاب، پاکستان)
موت 29 مئی 1972(1972-05-29) (عمر 70)
ممبئی، مہاراشٹر، بھارت
کون اے بھارت
کم کرݨ دے سال 1927–1971
قد 6 فٹ 2.5 انچ
جیون ساتھی رامسامی "راما" مہرا (1918–1972)
ساک کپور پروار

پرتھویراج کپور اک بھارتی فلم اتے تھئیٹر کلاکار سی۔

شروعاتی جیون[لکھو]

پرتھویراج کپور سمندری، لائلپور (برطانوی پنجاب، ہن پاکستان) وچ پیدا ہوئے۔ مڈھلی پڑھائی لاہور وچ حاصل کیتی۔ اوہناں دے پیؤ دا تبادلہ جدوں پشاور ہویا تاں ایڈورڈ کالج پشاور توں اسنے بی اے تک پڑھائی کیتی۔ اداکاری دے شوق وچ اپنی اک ماسی نال قرض لے کے بمبئی چلے گیا۔

کیریئر[لکھو]

کئی خاموش فلماں وچ کم کرن دے بعد پرتھویراج کپور نے برصغیر دی پہلی بولدی فلم عالم آرا وچ وی کم کیتا۔ خاموش اتے بولدی فلماں دے اس اداکار نے فلمی دنیا وچ کجھ اجیہے یادگاری کردار ادا کیتے جہناں نوں فلمی درشک کدے بھلا ہی نہیں سکدے لیکن پرتھوی نوں فلماں توں زیادہ تھئیٹر نال لگاؤ سی اتے اس لئی اسنے 1944 وچ اپنا چلدا پھردا تھئیٹر گروپ قایم کیتا جس دا نام پرتھوی تھئیٹر رکھیا سی۔ 1960 تک ایہہ گروپ کم کردا رہا لیکن پھر اس دی صحت نے جواب دتا اتے اس نے کم چھڈّ دتا۔ پرتھویراج کپور اپنے پرتھوی گروپ دے نال ملک بھر گھمدے سی۔ 16 سالاں وچ اس نے 2662 شو کیتے۔ اوہ آپ ہریک شو دے لیڈ ایکٹر ہندے۔[1] اس دا اک ناٹک پٹھان (1947) بڑا مشہور ہویا، اتے اس دے لگپگ 600 شو بمبئی وچ ہوئے۔ ایہدا پہلا شو 13 اپریل 1947 نوں ہویا سی، ایہہ اک مسلمان اتے اس دے ہندو دوست دی کہانی اے۔[2][3] اس دے ہر ڈرامے وچ اک سنیہا ہندا سی۔ گمبھیر سماجی مسئلیاں نوں اس نے ہمیشہ اہمیت دتی۔ اس دا اندازہ اس دے ڈرامیاں توں لگایا جا سکدا اے جہناں وچ سماجی مسئلے اس دور وچ کساناں دی بدحالی، ہندو مسلمان تعلقات جاں پھر سماج وچ دھن دولت دی ودھ رہی اہمیت نمایاں ہندے۔ اس دے کجھ چونویں اتے مشہور ڈرامے دیوار، شکنتلا، پٹھان، غدار، آہوتی، پیسہ، کسان اور کلاکار ہن۔ پرتھوی راج کپور نے اپنیاں فلماں وچ تھئیٹر دے فن نوں آزمایا۔ اس دی آواز دی گھور غرض جیکر اس دے تھئیٹر دے فن وچ کم آئی تاں اتھے ہی فلم مغل اعظم وچ اس دی آواز اس فلم دا اہم حصہ بنی اتے اوہ کردار اس دی بھاری بھرکم شخصیت اتے گرجدار آواز دی وجہ نال زندہ جاوید بنکے رہِ گیا۔

حوالے[لکھو]

  1. Prithviraj's biography at the IMDB
  2. (2004) Dialogue with Life. India: Allied Publishers, 48. ISBN 8-1776-4856-X. Retrieved on 20 جولائی 2013. “Prithviraj Kapoor represented the mental make-up of Pathans of North-West Frontier Province through another play called Pathan۔” 
  3. (2006) Urdu/Hindi: An Artificial Divide: African Heritage, Mesopotamian Roots, Indian Culture & Britiah Colonialism. Algora Publishing, 319. ISBN 0-87586-438-4. Retrieved on 20 جولائی 2013.