پنجابی لوک
| پنجابی | |
| ਪੰਜਾਬੀ | |
| |
| پنجابیاں دی گنتی | |
| 12 کروڑ دے نیڑے | |
| 90,000,000: | پاکستان · 
|
| 30,000,000: | ھندستان · 
|
| 1,700,000: | برطانیہ · .svg){kind=small}
|
| 800,000: | کینیڈا · 
|
| 640,000: | امریکہ · 
|
| 60000: | ملائشیا · 
|
| x: | آسٹریلیا · 
|
| x: | نیوزی لینڈ · 
|
| x: | ہانگ کانگ · 
|
| 600000: | سعودی عرب · 
|
| 34000: | سنگاپور · 
|
| 117000: | میانمار · 
|
| بولی | |
| انگریزی · پنجابی · اردو | |
| مت | |
| 70٪: | مسلمان · 
|
| 20٪: | سکھ · 
|
| 10٪: | ہندو · 
|
| 1٪: | سعائی · 
|
پنجابی دکھنی ایشیاء دے ھند آریائی نسل نال تعلق رکھن آلے لوک نیں۔ اے پنجاب دے علاقے توں ایناں دا جوڑ اے جیڑا دنیا دی پرانیاں رہتلاں دا گڑھ اے۔ جناں وچ۔ وادی سندھ دی رہتل وی شامل اے۔ پنجابیاں پشان اونہاں دی بولی تے اونہں دی رہتل نال اے یعنی پنجابی اس نوں آکھی دا اے جس دی بولی پنجابی اے جیڑي کے اک ھند آریائی بولی اے۔
_with_cities.png)
پنجابی پاکستان تے ھندستان توں علاوہ جگ دے ہور بے شمار دیساں چ پھیلا ہویا اے۔ پنجابی برطانیہ، فرانس، سپین، نیدرلینڈ، جرمنی، اٹلی، یونان، ناروے، سویڈن، ڈنمارک، کینیڈا، امریکہ، سعودی عرب، متحدہ عرب امارات، قطر،بحرین، آسٹریلیا ، قطر ، کویت وغیرہ چ پھیلے ہوۓ نیں۔
پنجابی بولن آلیاں دی گنتی 12 کروڈ دے نیڑے اے۔ پنجابی جگ دی گنتی دا دو ٪ حصہ بندے نیں۔ ایناں دی سب توں وڈی آبادی پاکستان دے صوبہ پنجاب چ اے تے اے پاکستان دی آبادی دا سب توں وڈا حصہ نیں۔ اس توں بعد ھندستان دے صوبے پنجاب چ ایناں دی وڈی تعداد ریندی اے۔ برطانیہ چ پنجابی دوجی وڈی زبان اے۔
تاریخ[سودھو]
اس گل دا ٹھیک ٹھیک پتا لانا اوکھا اے کہ پنجابی کدوں اک وکھری ٹولی دی مورت بنے پر اے ہے کہ پنجاب ایسا دیس اے جتھے وادی سندھ دی پرانی رہتل ہوئی جیدا وڈا نگر ہڑپہ سی۔ ہڑپہ رتل اج توں 5300 ورے پہلاں موجود سی۔ آریا لوک اس دیس چ آۓ تے پہلی آبادی نال کل مل گۓ۔ پنجابی بولی اوہاں آریاواں دی اس وقت دی بولی دی نوی شکل اے۔ جیدے وچ پرانے دیسی لفظ وی ہے گۓ نیں۔ اونہاں پرانے آریاواں دی مدد توں پنجابی بولی دا تعلق ھند آریائی بولی نال اے۔ ہڑپہ والیاں نیں تے آریاواں نیں پنجابی رہتل پنجابی بولی نوں اودھی حاص شکل دتی۔ بعد وچ ہور بولیاں بولن والے لوکی وی ایتھے آۓ۔ لیکن او پنجابی بولی تے پنجابی رہتل وچ کل مل گۓ۔ پنجاب دی خوشحالی نے کافی ٹولیاں نوں اپنی طرف کچھیا جدے وچ ایران، استھن، یونانی، عرب، ترک، افغان تے انگریز ہے گے نیں۔ اے پنجاب نوں فتح کرن آۓ لیکن پنجاب دی رہتل تے بولی نے ایناں نوں فتح کر لیا۔
مذہب[سودھو]
پنجاب دے لوکی ھندو مت، بدھ مت، جین مت، سکھ مت تے اسلام نوں منن آلے نیں پر ایناں دے زیادا لوک مسلمان نیں۔
جغرافیائی ونڈ[سودھو]
پاکستان چ[سودھو]
پنجابی پاکستان چ صوبہ پنجاب صوبہ سرحد، صوبہ سندھ، صوبہ بلوچستان، کشمیر تے اسلام آباد چ موجود نیں۔ اینہاں دے سب توں بوتی تعداد صوبہ پنجاب چ اے۔
ھندستان چ[سودھو]
پنجابی ھندستان چ اونہاں دے صوبہ پنجاب، ہریانہ تے دلی چ ہوندے نیں۔ بالی وڈ دیاں فلماں چ پنجابی گانے، بول تے ایکٹر اکثر نظر آندے نیں۔ ھندستان دا ہون آلا وزیر اعظم وی پنجابی اے۔
برطانیہ چ[سودھو]
پنجابی برطانیہ وچ انگریزاں توں بعد دوجا وڈا نسلی تے بولی ٹولی اے۔ ایتھے ایناہاں دی گنتی 16 توں زیادہ نیں۔ اے پنجابی ہندو سکھ تے مسلمان نیں تے اینہاں دے پرکھ ھندستانی پنجاب تے پاکستانی پنجاب تے کشمیر توں 1960 توں آنا شروع ہوۓ۔
کینیڈا[سودھو]
اٹھ لکھ توں زیادہ پنجابی کینیڈا چ ریندے نیں تے پنجابی چھوتھے نمبر تے بولی جانے آلی بولی اے۔
پنجابی دوجے دیساں چ[سودھو]
اپر دتے ہوۓ دیساں توں علاوہ پنجابی منہ ہور وی کئی دیساں چ ریندے نیں۔
