پنجابی نامہ
| پنجابی نامہ | |
|---|---|
ترمیم  |
پنجابی نامہ، پنجابی رہتل دے متعلق ارشاد احمد پنجابی دی تالِیف کِیتی گئی لُغت دی طرز دی اک پنجابی کتاب اے۔ ایہ کتاب 1981ء وچ "ساڈی پنجابی اکیڈمی لاہور" ولّوں چھاپّی گئی۔ ایہدا پہلا ایڈِیشن 1959ء وچ چھپیا سی۔
اِس کتاب دی تالِیف دا کَم اِس لئی شُرُوع کِیتا گیا کہ پنجاب دے اہم ثقافتی تے سماجی پہلُوآں دے متعلّق مَعلُومات نُوں ابواب دی وَنڈ تے تفصِیل دے ناݪ مرتّب کرکے لوکائی تَک پہنچایا جاوے۔ ایہی ایہدی مقبُولِیت دا سبَب اے۔ عِلمی تے ادبی حلقیاں توں علاوہ اخبارات تے جرائد نے وی "پنجابی نامہ" دی تالِیف لئی کِیتی گئی محنت نُوں سراہیا تے کتاب دی اہمِیت نُوں اجاگر کِیتا۔
پنجابی نامہ دی تالِیف دا اک مقصد ایہ وی اے کہ شہراں وچ رہݨ واݪے لوکاں نُوں پنجاب دے پِنڈاں تے قصبیاں وچ رائج الفاظ، اِصطلاحواں، ایہناں دے معنیاں تے ایہناں دے پِچھے جھلکدی پنجابی رہتل ناݪ روشناس کرایا جاوے۔ ایہدے ناݪ ناݪ پِنڈاں وچ رہݨ والی اکثریتی آبادی نُوں وی اِس گَل دا احساس ہووے کہ اوہناں دی رہتل دی حفاظت تے فروغ لئی کَم ہورہیا اے۔
ابواب
[سودھو]کتاب موضُوعات دے لحاظ ناݪ مُختلِف ابواب وچ تقسِیم اے۔
- سماجیات
- انسانیات
- قُدرتیات
- حیوانیات
- لسانیات
- تفرِیحات
- کھیتی باڑی
- گھریلُو امور
- انسانی امور
- متفرقات