پیکاچو

آزاد انسائیکلوپیڈیا، وکیپیڈیا توں
پکاچو
پوکیمون لڑیاں دے کردار
فائل:Sugimoris025.png
پہلی گیمپوکیمون ریڈّ اتے بلو (1996)
ڈزائین کرن والااتسوکو نشیدا اتے کین سوگیموری
آواز (ولوں) (انگریزی)
آواز (ولوں) (جاپانی)
پورٹریٹ بناؤن والاجینیپھر رسر (پوکیمون لائیو!)

پکاچو (جاپانی: ピカチュウ) پوکیمون دا اک خیالی کردار ہے جو کہ دا پوکیمون کمپنی، اک جاپانی ادارہ، ولوں بنائیاں ویڈیو گیماں، اینیمیٹڈ ٹی.وی لڑیوار، فلماں، ٹریڈنگ کارڈز اتے کومک کتاباں وچّ دکھائی دندا ہے۔ پکاچو دے ڈزائین دا خیال اتسوکو نشیدا نے اتے اسنوں انتم کرن دا کم کین سوگیموری نے کیتا گیا۔ جاپان وچّ پکاچو دی پہلی جھلک پوکیمون ریڈّ اتے گرین وچّ ساہمنے آئی اتے بعد وچّ بین القوامی پدھر 'تے پوکیمون ویڈیو گیماں اتے پوکیمون ریڈ اتے بلو وچّ رلیز کیتا گیا۔

پوکیمون دیاں باقی ذاتیاں وانگ پکاچو نوں وی منکھاں دوارا پھڑ کے، اک کھیڈ دے طور 'تے، ہور پوکیموناں نال لڑن لئی ورتیا جاندا ہے۔ پکاچو پوکیمون دی سبھ توں چرچت اتے جانی-پہچانی جاتی 'چوں ہے۔ پوکیمون دی ہر لڑی وچّ پکاچو مکھ کردار دی بھومکا ادا کردا ہے۔ پکاچو پوکیمون پھرینچائز دا مکھ کردار ہون توں علاوہ اوہناں دا مسکٹ وی ہے اتے پچھلے کجھ سالاں توں جاپانی پوپ کلچر دا آئیکن وی بن گیا ہے۔

دھارنا اتے ڈزان[سودھو]

پوکیمون لڑیوار جاپان وچّ 1996 وچّ شروع ہویا جسنوں گیم پھریک دوارا وکست اتے ننٹینڈو دوارا سمپادت کیتا گیا۔ اس وچّ ملن والے جانوراں دی جاتی نوں پوکیمون کیہا جاندا ہے اتے جو ایہناں نوں پھڑھدے، ٹرین کردے تے ایہناں دی مدد نال دوجے پوکیموناں نال لڑدے ہن ہن اوہناں نوں "ٹرینر" آکھیا جاندا ہے۔[۱][۲] پکاچو گیم پھریک دی چرتر نرمان ٹیم دوارا بنایا گیا وکھری قسم دا پوکیمون ہے۔ پکاچو دے ڈزائین بناؤن دِ سہرا اتسوکو نشیدا دے سر جاندا ہے اتے اسدے ڈزائین نوں انتم کرن دا کم بعد وچّ کینّ سوگیموری نے کیتا۔[۳][۴][۵][۶] لڑیوار دے پروڈیوسر ستوشی تجیری دے انوسار پکاچو دا ایہہ ناں دو جاپانی شبداں: پکا، بھاوَ بجلئی چھانٹ اتے چو، بھاوَ چوہا، دا سمیل ہے۔[۷] وکاسکار جنچی مسودا انوسار پکاچو دے نامکرن دا کم بہت اوکھا سی کیونکہ اسدا ناں جاپانی اتے امریکی دوہاں دیشاں دے سروتیاں وچّ پرسدھ کرنا سی۔[۸]

پکاچو اک پیلے رنگ دا چوہے دی جاتِ نال سنبندھت پوکیمون ہے جو کہ 1'4" (0.4 می ) لما ہے۔ اسدے ڈزائین دی دھارنا بجلی دے آلے-دوآلے ہی رکھی گئی۔[۹] ایہہ بجل-قسم نال سبندھت پوکیمون ہے۔ اسدے دو لمبے-لمبے کنّ ہن جو کہ اپروں کالے ہندے ہن۔ اسدیاں گلاں 'تے لال رنگ دے دھبے ہندے ہن جہناں وچوں بجلی نکلدی ہے۔ اس توں علاوہ اس دی پٹھّ 'تے دو بھوریاں پٹیاں ہندیاں ہن اتے اسدی بجلی دے نشان ورگی پوچھ ہندی ہے۔[۱۰] پوکیمون ڈائمنڈ اتے پرل وچّ اسدی جاتی وچّ لنگ وکھریواں دکھاؤندے ہوئے معدہ پکاچو نوں وئی پیش کیتا جاندا ہے جسدی صرف پوچھ دل ورگی ہندی ہے۔ انج لڑیوار وچّ دکھائے انوسار پکاچو کیول "تھنڈرسٹون" دی سہائتا نال ہی رائچو وچّ وکست ہندا ہے۔ پوکیمون دے بعد والیاں لڑیاں وچّ پکاچو دا چھوٹا روپ پیچو وی دکھایا جاندا ہے جو کہ اپنے ٹرینر نال گوڑھی دوستی توں بعد پکاچو دے روپ وچّ وکست ہو جاندا ہے۔

شروعات سمیں پکاچو اتے کلیپھیئری ناں دے پوکیمون نوں پھرینچائز دے اتپاداں لئی مسکٹ دے طور 'تے چنیا گیا سی۔ پر اینیمیٹڈ لڑی دے نرمان توں بعد پکاچو نوں پرائمری مسکٹ دے طور 'تے پیش کیتا گیا۔ اسنوں مسکٹ چنن پچھے دھارن ایہہ سی کہ بچیاں لئی پالتو طور 'تے رکھیا جا سکن والا سی۔ اسدا رنگ پیلا اس کرکے رکھیا گیا سی کیونکہ اک تاں ایہہ پرائمری رنگ ہے اتے دوجا بچے اسنوں دوروں ہی اسانی نال پہچان لیندے سن۔ اس گلّ دا وی دھیان رکھیا گیا سی کہ اس سمیں اسنوں ٹکر دین والا ونی د پوہ کردار وی پیلے رنگ دا ہی سی۔[۱۱] تجیری نے دسیا کہ پکاچو نوں مسکٹ دے طور 'تے چنن دا فیصلہ کیول اسدا نہیں سی بلکہ پکاچو اس سمیں لڑکے تے لڑکیاں دوہاں 'چ ہی پرسدھ سی اتے جاپانی بچے اسنوں اسانی نال پہچان لیندے سن۔[۱۲]

دکھّ[سودھو]

پکاچو (چوہا پوکیمون)

وکاس: پیچوپکاچورائچو

فائل:Sugimoris025.png
ایچ.پی: 50 گتی: 90
لمبائی: 0.4 می کلّ کمزوری: 6
بھار: 6 ک گرا کلّ ہانیاں: 24
حملے: 24 کلّ لابھ: 12
بچاء: 30 کلّ پرتیرودھ: 18
#: 025 قسم: بجلئی

حملے: تھنڈرشوک، تھنڈر ویو، جلد آکرمن، آئرن ٹیل، آدی۔

ویڈیو گیماں وچّ[سودھو]

ساریاں ویڈیو گیماں وچّ، کیول بلیک اتے وائیٹ نوں چھڈّ کے، پکاچو اک ہیٹھلے پدھر دا پوکیمون ہندا ہے۔[۱۳] پوکیمون ییلو وچّ ایہہ شروعاتی پوکیمون دے طور 'تے اپلبدھ ہندا ہے۔ جویں کی اینیمے وچّ دکھایا گیا ہے، پکاچو پوکیبال وچّ رہن توں پرہیز کردا ہے اتے ایہہ مکھ کردار دے پچھے چلدا ہے۔ ٹرینر اسدے نال گلاں کردا ہے اتے جس طرحاں اس نال ووہار کیتا جاندا ہے اسے طرحاں ایہہ اپنیاں وکھریاں-وکھ پرتیکریاواں ظاہر کردا ہے۔[۱۴] 1 اپریل توں 15 اپریل 2010 دوران ہوئے اک سماگم (اوینٹ) وچّ پوکیمون ہرٹگولڈ اتے سولسلور دے کھڈاریاں نوں پوکوالکر روٹ دی پہنچ دتی گئی جس وچّ اجیہے پکاچو سن جو کہ لڑائی توں باہر سرف اتے پھلائی حملے جاندے سن[۱۵] جدکہ عامَ پکاچو ایہہ حملے ورت نہیں سکدے۔

مکھ لڑیوار توں علاوہ پکاچو دی ہے یو،پکاچو، جو کہ ننٹینڈو 64 لئی سی، وچّ مکھ بھومکا ادا کیتی۔ کھڈاری پکاچو نوں گیماں وچّ اک مائیکروفون راہیں آدیش دندے سن اتے پکاچو اسے انوسار ہی وکھ-وکھ حالاتاں دا ساہمنا کردا سی۔ پوکیمون چینل گیم وی بالکل اسے طرحاں ہی ہے۔ اس وچّ وی کھڈاری پکاچو نوں مائیکروفون نال آدیش دندے سن۔[۱۶] پوکیمون سنیپ، اک اجیہی گیم جس وچّ کھڈاری انک پراپت کرن لئی پوکیموناں دیاں تصویراں کھچدے سن، دے ہریک پدھر (لیول) 'چ پکاچو ضرور ہندا ہے۔پکاچو پوکیمون مسٹری ڈنجئن دے 16 شروعاتی اتے 10 ساتھی پوکیموناں 'چوں اک ہے۔ پوکیپارک وی: پکاچو'ز اڈوینچر وچّ پکاچو نوں نائک دے طور 'تے چنیا گیا۔[۱۷] اس توں علاوہ پکاچو کھیڈن والے کردار دے طور 'تے چارے سپر سمیش بروس وچّ وی دکھائی دندا ہے۔[۱۸] پکاچو اک امیبو کردار وی ہے۔ میئیتینتیئی پکاچو: شن کولبی تانجو وچّ بولن والا پکاچو دکھایا گیا ہے جو کہ اک جسوس دی بھومکا نبھاؤندیاں رہسّ سلجھاؤندا ہے۔[۱۹]

اینیمے وچّ[سودھو]

پکیمون اینیمے لڑیاں اتے فلماں وچّ عیش کیچم اتے پکاچو دی رومانچک یاترا نوں دکھایا جاندا ہے جو کہ اوہ پوکیمون برہمنڈ دے وکھ-وکھ خطیاں وچّ کردے ہن۔ ہریک کھیتر وچّ اوہناں نال وکھ-وکھ ساتھی ہندے ہن جنہاں وچّ مسٹی، بروک، ٹریسی، میء، میکس،ڈون، آئرس، سائیلن، سیرینا، بونی اتے کلیمونٹ شامل ہن۔

پوکیمون دے پہلی قشط (ایپیسوڈ) وچّ عیش پرو اوک کولوں، اپنے شروعاتی پوکیمون دے طور'تے، پکاچو پراپت کردا ہے ۔ ہریک نویں ٹرینر نوں شروعاتی پوکیمون دتا جاندا ہے۔ عیش دے جدی-کھیتر کانٹو وچّ چارمینڈر، سکئرٹل جاں بلباسور شروعاتی پوکیمون دے طور 'تے ملنا سی پر عیش زیادہ دیر تکّ ستا رہا اتے دیر ہون کارن اسنوں ایہناں دی جگہ 'تے پکاچو مل گیا۔ پہلاں-پہلاں تاں پکاچو عیش دی اک وی گلّ نہیں مندا، اسنوں بجلی دے جھٹکے دندا اتے پوکیبال وچّ جان توں وی منع کلھ دندا ہے۔ بعد وچّ جنگلی سپیئرو دے جھنڈ دے حملہ کرن 'تے عیش پکاچو نوں بچاؤندا اتے اسنوں پوکیمون سینٹر لے جاندا ہے۔[۲۰] عیش دا اپنے پرتی پیار دیکھ کے پکاچو نوں بہت چنگا محسوس ہندا ہے اتے اوہ پھر اسدی اتے عیش دی گہری دوستی ہو جاندی ہے۔ پر حالے وی پکاچو پوکیبال وچّ جان توں نانہہ کردا ہے۔ پکاچو دی طاقت نوں دیکھدے ہوئے ٹیم روکٹ اسنوں چوری کرکے اپنے مالک (بوس) جیووینی نوں خوش کرنا چاہندے سن۔[۲۱] پر اس وچّ اوہ ہر وار اسفل ہو جاندے سن۔ پوکیمون دیاں ساریاں قشطاں وچّ عیش تے پکاچو اکٹھے ہی رہندے ہن۔ پکاچو'ز گڈبائے قشط وچّ عیش پکاچو نوں اسدے جنگلی ساتھیاں نال رہن دی آزادی دندا ہے پر پکاچو اسدے نال رہنا ہی پسند کردا ہے۔[۲۲]

لڑیوار وچّ کئی جنگلی اتے سکھئت پکاچو آؤندے ہن۔ پر اوہناں وچوں سبھ توں خاص رچی دا پکاچو ہے جسدا ناں سپارکی ہے۔[۲۳] باقی پوکیموناں وانگ پکاچو وی کیول اپنے ناں دا اچارن کردا ہے۔ اینیمے دے سارے سنسکرناں وچّ اکوئی اوتانی دوارا آواز دتی جاندی ہے۔ پوکیمون لائیو! وچّ جینیپھر رسر دوارا اسنوں آواز دتی جاندی ہے۔

باقی پوکیمون میڈیا وچّ[سودھو]

پوکیمون منگا لڑی وچّ پکاچو مکھ پوکیموناں وچوں اک ہے۔ پوکیمون اڈوینچرز وچّ ریڈّ اتے ییلو دوویں پکاچو نوں ٹرین کردے ہن۔ ہور لڑیاں، جویں کہ میجیکل پوکیمون جرنی اتے گیٹو ڈاکٹر زی، وچّ اکلے پکاچو دی مکھ بھومکا ہندی ہے جدکہ باقی منگا لڑیاں جاں اینیمے لڑیاں، جویں کہ الیکٹرک ٹیل عوف پکاچو اتے عیش تے پکاچو، وچّ پکاچو نوں عیش کیچم دے نال سبندھت دکھایا جاندا ہے۔[۲۴] and Ash & Pikachu, feature the most well known Pikachu belonging to Ketchum in the anime series.[۲۴]

اکتوبر 1996 توں ہی، رلیز ہون والے ہریک پوکیمون وپارک پتیاں، وچّ پکاچو نوں شامل کیتا جا رہا ہے۔ اس کردار نوں ہور اشتہارک اتپاداں وچّ وی ورتیا جاندا رہا ہے۔ ادہارن دے طور ’تے اسنوں میکڈونلڈ’ز، وینڈی’ز اتے برگر کنگ دوارا ورتیا جاندا رہا ہے۔[۲۵][۲۶][۲۷]

اشتہارک اتے وراثت[سودھو]

اے.این.اے.بوئنگ 747-400 'تے چھپی پکاچو اتے ہور پوکیموناں دی تصویر (اس وچّ کلیپھیئر، ٹوگیپی، میوٹو اتے سنورلیکس دکھائی دے رہے ہن۔

پھرینچائز دے مسکٹ دے طور ’تے پکاچو طرحاں-طرحاں دے وپارک تے اشتہارک سماگماں اتے ہور اتپاداں دے اپر وی عامَ ہی دکھائی دندا ہے۔ 1998 وچّ ٹوپکا دے میئر کاننسس جوآن ویگنن نے اک دن لئی شہر دا ناں بدل کے "ٹوپکاچو" رکھ دتا سی[۲۸] اتے 25 اپریل 2000 وچّ گوٹ ملک؟ ناں دے اشتہار وچّ پکاچو نوں چنیا گیا سی۔ 2001 توں ہی میسی دے تھینکسگونگ ڈے پریڈ وچّ وی پکاچو دا غبارہ اڈایا جاندا ہے۔[۲۹] اس طرحاں آخری وار 8 اگست 2006 نوں پوکیمون دی دسویں ورھیگنڈ "پارٹی عوف د ڈیکیڈ" وچّ اڈایا گیا سی جو کہ نیو یورک دے برینٹ پارک آیوجت ہویا سی۔[۳۰][۳۱][۳۲][۳۳] اسے طرحاں ہی 2006 وچّ ہوئی پریڈ وچّ پوکیبال دا پچھا کردے پکاچو دا غبارہ اڈایا گیا سی۔[۳۴] 2014 دی پریڈ وچّ پکاچو دا نواں غبارہ، جس وچّ اسنوں ہرے سکارف پہنے اتے اک چھوٹا پکاچو-سنوئمین پھڑے دکھایا گیا سی۔[۳۵]

پکاچو کئی وار د سمپسنز وچّ وی دکھائی دے چکا ہے۔ 2002 دی قشط"بارٹ ورسز لیسا ورسز د تھرڈ گریڈ[۳۶] 2003 دی قشط "ٹس د پھپھٹینتھ سیزن[۳۷] 2004 دی قشط "پھروڈکاسٹ نیوز"[۳۸] اتے 2010 دی قشط "پوسٹ کارڈ پھروم د ویجّ"[۳۹] وچّ وی نظر آ چکا ہے۔ ٹی.وی توں علاوہ اے.این.اے بوئنگ 747-400 (جے.اے.8962) جہاز 'تے وی نظر آ چکا ہے۔

ٹائم دی 1999 دی درجابندی انوسار پکاچو نوں سال دا دوجے ودھیا انسان دے طور 'تے، ہیلو کٹی توں بعد، چنیا گیا اتے اسنوں سبھ توں ودھ پیاریا جان والا اینیمیٹڈ کردار کیہا گیا۔ پھرینچائز دے منافعے دے ادھار 'تے پکاچو رکی مارٹن توں پچھے پر جے.کے.رولنگز توں اگے سی۔ 2000 دی اینیمیکس پول وچّ پسندیدہ کارٹون کرداراں وچّ پکاچو دا اٹھواں ستھان سی۔ 2002 وچّ، ٹی.وی گائیڈ دے ہن تکّ دے 50 سبھ توں پسندیدہ کارٹوناں دی سوچی وچّ عیش تے پکاچو پندرویں ستھان 'تے چنے گئے۔ 2003 دی پھوربس سوچی انوسار پکاچو اٹھواں سبھ توں ودھ کمائی کرن والا کالپنک کردار ہے جس توں سلانہ 825 ملیان ڈالر دی کمائی ہندی ہے۔ 2008 دی اوریکن پول انوسار پکاچو جاپان دا چوتھا سبھ توں ودھ پرسدھ گیم کردار ہے۔ آئی.جی.این دی "25 سرووتم اینیمے کردار" سوچی وچّ اٹھویں ستھان 'تے سی۔ ننٹینڈو پاور نے پکاچو نوں نوویں سپرہیرو دے طور 'تے سوچیبدھّ کیتا، جو کہ انی پرسدھی پراپت کرن والا پہلا پوکیمون ہے۔ لیکھک ٹریسی ویسٹ اتے کیتھرین نول نے پکاچو نوں سرووتم بجلئی-قسم اتے ہن تکّ دے سبھ توں بہتر پوکیمون دا درجہ دتا ہے۔ اوہناں دے انوسار جدوں وی کسے نوں پچھیا جاندا سی کہ سبھ توں بہتر پوکیمون کہڑا ہے تاں ہمیشہ پکاچو دا ناں ہی لیا جاندا سی۔ اوہ پکاچو نوں بہادر اتے سمجھدار کہندے سن۔ آئی.جی.این دوارا کروائی گئی اک پول وچّ پکاچو 48ویں ستھان 'تے سی۔

پکاچو اتے دس ہور پوکیمون 2014 دے پھیپھا وشو کپ وچّ جاپانی مسکٹ دے طور 'تے چنے گئے۔[۴۰]

ہ وی دیکھو[سودھو]

باہری کڑیاں[سودھو]

حوالے[سودھو]

  1. گیم پھریک (1998-09-30). Pokémon Red and Blue, Instruction manual. ننٹینڈو, 6–7. 
  2. گیم پھریک (1998-09-30). Pokémon Red and Blue, Instruction manual. ننٹینڈو, 11. 
  3. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  4. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  5. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  6. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  7. "The Ultimate Game Freak". Time Asia 154 (20): 2. November 22, 1999. http://www.time.com/time/asia/magazine/99/1122/pokemon6.fullinterview2.html. Retrieved on
    ۲۵ ستمبر ۲۰۰۹.  Archived May 1, 2010, at the وے بیک مشین
  8. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  9. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  10. Pokédex: It lives in forests with others. It stores electricity in the pouches on its cheeks. سانچہ:Cite video game
  11. Tobin, Joseph Jay (2004). Pikachu's Global Adventure: The Rise and Fall of Pokémon. Duke University Press, 65–66. ISBN 0-8223-3287-6. 
  12. "The Ultimate Game Freak". Time Asia 154 (20): 1. November 22, 1999. http://www.time.com/time/asia/magazine/99/1122/pokemon6.fullinterview2.html. Retrieved on
    ۲۵ ستمبر ۲۰۰۹.  Archived May 1, 2010, at the وے بیک مشین
  13. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  14. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  15. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  16. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  17. Nintendo officially announces PokePark Wii Joystiq.com'.' Retrieved February 27, 2010.
  18. Nintendo Power Magazine
  19. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  20. سانچہ:Cite episode
  21. سانچہ:Cite episode
  22. سانچہ:Cite episode
  23. سانچہ:Cite episode
  24. ۲۴.۰ ۲۴.۱ "Animerica Interview Toshihiro Ono." VIZ Media. May 10, 2000. Retrieved on May 31, 2009.
  25. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  26. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  27. "Restaurant chain entertainment promotions monitor, June 2003". Entertainment Marketing Letter. June 1, 2003. http://www.accessmylibrary.com/coms2/summary_0286-3479164_ITM. Retrieved on
    ۳۰ جون ۲۰۰۹. 
  28. Staff (November 1999). "What's the Deal with Pokémon?". Electronic Gaming Monthly (124): 172. 
  29. Macy's Thanksgiving Day Parade Ncytourist.com'.' Retrieved July 17, 2006.
  30. Zappia, Corina (August 8, 2006). "How Has Pokémon Not Died Yet?". NY Mirror (The Village Voice). https://web.archive.org/web/20141012154315/http://www.villagevoice.com/2006-08-08/nyc-life/how-has-pok-mon-not-died-yet/. Retrieved on
    ۱۸ مئی ۲۰۰۹. 
  31. Clark, Roger (August 8, 2006). "Pokemon Mania Takes Over Bryant Park". NY1 News. NY1 News. https://web.archive.org/web/20090918192517/http://www.ny1.com/Default.aspx?SecID=1000&ArID=61663. Retrieved on
    ۱۸ مئی ۲۰۰۹. 
  32. Sekula, Anna (August 17, 2006). "Gamers Crowd Bryant Park for Pokemon Tournament". BizBash (BizBash Media Inc.). https://archive.is/20120721113423/http://www.bizbash.com/newyork/content/editorial/6602_gamers_crowd_bryant_park_for_pokemon_tournament.php. Retrieved on
    ۱۸ مئی ۲۰۰۹. 
  33. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  34. Whitt, Tom (2006-05-23). "Pikachu Soars as Trial Balloon for a Safer Macy's Parade". http://www.nytimes.com/2006/05/23/nyregion/23balloon.html?fta=y. Retrieved on
    ۲۹ جولائی ۲۰۰۸. 
  35. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  36. سانچہ:Cite episode
  37. سانچہ:Cite episode
  38. سانچہ:Cite episode
  39. سانچہ:Cite episode
  40. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).