پاکستان ٹیلی ویژن

آزاد انسائیکلوپیڈیا، وکیپیڈیا توں
(پی ٹی وی توں مڑجوڑ)
پاکستان ٹیلی ویژن
کاروباری تھاںMass Media
تجارت بطورپی ٹی وی
کمکبیرالوسیط
بنی کس ویلے۲۶ نومبر ۱۹۶۴؛ 59 سال پہلے (۱۹۶۴-۱۱-26)
ہیڈکواٹرلاہور، کراچی، اسلام آباد، پشاو‏ر، کوئٹہ، مظفر آباد، AJK تے ملتان، ؜پاکستان
وفاداری جگہWorldwide
Nationwide
سنبھالن والے مالکMuhammad Malick
( Managing Director )
Dr. M.Khalid Zia Ramay
(General Manager Marketing PTV News)
Ministry of Information, Broadcasting and National Heritage
(Board of Governors)
آمدنی Rs. 3500Mn[حوالہ درکار]
آپریٹنگ آمدنی Rs. 171.8[حوالہ درکار]
خالص آمدنی Rs. 38 Mn[حوالہ درکار]
کل اثاثے Rs. 287Mn— Rs. 143.1Mn[حوالہ درکار]
مالکحکومت پاکستان
کم کرن والے بندے~6,000
اصلی مالکریڈیو پاکستان
ویب سائٹptv.com.pk

پاکستان ٹیلی ویژن نیٹ ورک (انگریزی: Pakistan Television Network) حکومت پاکستان د‏‏ی ملکیت پاکستان ٹیلی ویژن کارپوریشن (Pakistan Television Corporation) دے زیر انتظام بعید نما نظام ا‏‏ے۔ ایہ "PTV" دے ناں تو‏ں عام جانیا جاندا ا‏‏ے۔


پاکستان ٹیلی ویژن نیٹ ورک (انگریزی: Pakistan Television Network) "PTV" پاکستان دا اک سرکاری ٹی وی نیٹ ورک اے۔

قیام[سودھو]

پاکستان چ ٹیلی ویژن دا اغاز 26 نومبر 1964 نوں لہور دے اسٹیشن توں ہویا۔ حکومت پاکستان نے اکتوبر 1964 چ تجرباتی بنیاد تے جپان دی اک فرم نپن الیکٹرک کمپنی دے تعاون نال پاکستان دے 2 شہراں لہور اور ڈھاکہ چ ٹیلی ویژن اسٹیشن کھولݨ دا فیصلہ کیتا تے 26 نومبر 1964 نوں لہور تے 25 دسمبر 1964 نوں ڈھاکہ چ ٹیلی ویژن اسٹیشن کھولے گئے۔ ایہ دونوں اسٹیشن شروع چ روزانہ 3 گھینٹھے دی نشریات دا اہتمام کر دے سن تے ستوارے چ 1 دن یعنی پیر نوں ٹی وی دی نشریات نہیں ہُندی سی۔ شروع شروع چ ٹی وی دے سارے پروگرام اسٹیشن چ تیار نہیں ہُندے سی بلکہ نشریات دا زیادہ حصہ درآمدی تے دستاویزی معلوماتی پروگراماں تے مبنی ہُندا سی۔


پروگرام[سودھو]

درآمدی فلماں چ ’سکس ملین ڈالر مین بائیونک وومین ‘، ’چیس‘، ’بارن فری‘، ’ڈیفرنٹ سٹروکس‘، ’لٹل ہاوس آن پریری‘، ’پلینیٹ آف ایپس‘،’ایئر وولف‘،’ تھری اینجل‘،’کولمبو‘، ’ٹام اینڈجیری‘،’پنک پینتھر‘،’لوسی شو‘ تے ’شرلاک ہومز‘ قابل ذکر نیں۔ ایس توں علاوہ پاکستان چ ہوݨ آلی اقتصادی تے صنعتی ترقی دے متعلق فلماں جیہڑیاں ٹیلی ویژن دی آمد توں پہلاں وزارت اطلاعات دے ذیلی ادارے ڈیپارٹمنٹ آف فلم اینڈ پبلیکیشنز توں ادھار لے کے ٹی وی تے دکھائیاں جاندیاں سن۔

دستاویزی فلماں[سودھو]

بعدچ پی ٹی وی نے وی ایس ای نوعیت دی دستاویزی فلماں بناونا شروع کر دتیاں تے معروف پروڈیوسر عبیداللہ بیگ نے ٹیلی ویژن لئی دستاویزی فلماں دا اغاز کیتا۔ ایہناں دیاں زیادہ تر فلماں شکاریات، جنگلات تے تعمیرات دے متعلق نیں۔ ایہناں توں بعد شیریں پاشا، قریش پور، ناظم الدین تے ظہیر بھٹی نے وی دستاویزی فلماں تیار کیتیاں۔

براہ راست نشریات[سودھو]

شروع شروع چ ٹی وی پروگرام براہ راست نشر ہُندے سن۔ جد اک لائیو پروگرام ختم ہُندا تاں ایس توں بعد درآمدی یا دستاویزی فلم لا دتی جاندی تے ایس وقفے چ دوسرے لائیو پروگرام دا سیٹ لا دتا جاندا سی۔

پہلا ڈراما[سودھو]

پی ٹی وی نے اپنا پہلاڈرامہ ’نذرانہ‘ پیش کیتا جیہدے چ محمد قوی خان، کنول نصیر تےمنور توفیق نے اداکاری کیتی۔ ایہدا سکرپٹ نجمہ فاروقی نے لکھیا سی تے ایہنوں ڈائریکٹفضل کمال نے کیتا سی۔ پہلا باقاعدہ ڈراما سیریل ’ٹاہلی تھلے‘ اے۔ ایہہ پنجابی ڈراما سی۔ ایہدا اسکرپٹ اشفاق احمد مرحوم نے لکھیا۔

باقاعدہ اسٹیشن[سودھو]

اوہناں دناں چ پی ٹی وی، ریڈیو پاکستان دے احاطے چ اک چھوٹے جیہے کمرے چ سی۔ ایس اسٹیشن دا افتتاح اوس ویلے دے صدر ایوب نے کیتا سی تے پہلی انائونسمنٹ طارق عزیز نے کیتی۔ پاکستان ٹیلی ویژن دے پہلے کیمرا مین انیس احمد نیں تے پہلا گانا طفیل نیازی نے گایا- ایس گانے دی موسیقی امیر حیدری نے ترتیب دتی سی۔ 1972 چ ریڈیو پاکستان دی عمارت دے نال ای پی ٹی وی دی الگ عمارت بن گئی جیہدا افتتاح 1972 چ اوس ویلے دے وزیراعظم ذوالفقار علی بھٹو نے کیتا۔ وقت دے نال نال ٹیلی ویژن چ مسلسل ترقی ہُندی رہی۔

وڈے ناں[سودھو]

پی ٹی وی دے اغاز چ کچھ شخصیات نیں جیہناں دے تذکرے دے بغیر پی ٹی وی دی تریخ شاید ادھوری رہوے ایہناں شخصیات چ نثار حسین، ذکا درانی، اسلم اظہر، محمد نثار حسین، جمیل آفریدی، شہنشاہ نواب، بختیار احمد، فضل کمال، مختار صدیقی، آغا بشیر، شہزاد خلیل، فرح سیر، آغا ناصر، کمال احمد رضوی، رفیع خاور ننھا، عون محمد رضوی، قمر چودھری، نذیر حسینی، سمیعہ ناز، مہ رخ نیازی، طارق عزیز ، کنول نصیر، قوی خان، روحی بانو ریحانہ صدیقی شامل نیں-

رنگین ٹی وی[سودھو]

1976 چ ٹیلی ویژن رنگین ہو گیا۔ پہلا رنگین ڈراما ’پھول والوں کی سیر، سی جیہدے چ آصف رضا میر تے خالدہ ریاست نے اداکاری کتیی۔ سکرپٹ اشفاق احمد نے لکھیاتے ایہنوں ڈائریکٹ محمد نثار حسین نے کیتا سی۔

علاقائی اسٹیشن[سودھو]

لہور تے ڈھاکہ چ 1964 چ ٹی وی اسٹیشن قائم ہوئے تے کراچی ٹی وی اسٹیشن 2 نومبر 1967 نوں قائم ہویا۔ ایہ پہلا مکمل ٹی وی اسٹیشن سی جیہڑا موبائل یونٹ‘ 2 اسٹوڈیوز تے پروڈکشن دی جدید سہولیات نال لیس سی۔ ایس توں بعد 26 نومبر 1967 نوں کوئٹہ تے 5 دسمبر 1976 نوں پشاور چ ٹی وی اسٹیشن بن گئے۔ سقوط ڈھاکہ توں بعد پاکستان چ پی ٹی وی دے 5 مراکز لہور، کراچی، اسلام آباد، پشاور تے کوئٹہ رہ گئے۔

پی ٹی وی دے چینل[سودھو]

پی ٹی وی دے مختلف چینل نیں ۔ جیہناں چ پی ٹی وی ہوم، پی ٹی وی نیوز، پی ٹی وی ورلڈ، پی ٹی وی گلوبل، پی ٹی وی سپورٹس تے پی ٹی وی نیشنل شامل نیں۔

سٹیلائیٹ[سودھو]

پاکستان ٹیلی وژن دا پہلا چنیل پی ٹی وی ورلڈ مصنوعی سیارے دے ذریعے تقریبن 32 ممالک چ دکھایا جان لگ گیا۔ بعد چ پی ٹی وی تے چینل تھری نوں وی مصنوعی سیارے دے ذریعے دکھایا جان لگ گیا۔ اگست 2007 چ پی ٹی وی ون نوں پی ٹی وی ہوم تے پی ٹی وی ورلڈ نوں پی ٹی وی نیوز تے چینل تھری نوں اک پرائیوٹ ادارے دے سپرد کر کے ایہدا ناں اے ٹی وی رکھ دتا گیا۔

ماہانہ ٹی وی ٹیکس تے تنقید[سودھو]

پاکستان چ بجلی دے میٹر دا ہر صارف بجلی دے بِلاں دے ذریعے 35 روپے براہ راست ptv دے کھاتے چ جمع کراون دا پابند اے۔ نکتہ داں افراد ایہ اعتراض چکدے نیں کہ محصول اکٹھا کرن دی مجاز صرف حکومت اے۔ ایس لئی ایہ ٹیکس غیرقانونی اے۔ ایہدے خلاف لوکاں نے عدالت وچ رِٹ وی داخل کروائی ہوئی اے۔