چُست، ازبکستان

وکیپیڈیا توں
(لیایا گیا چست، ازبیکستان)
Jump to navigation Jump to search
چُست
Chust/Чуст
—  شہر  —
چُست is located in Uzbekistan
چُست
چُست
ازبیکستان وچ تھان ٹکانہ
دیس  ازبکستان
صوبہ صوبہ نمنگان
ضلع ضلع چست
شہر دا درجہ 1969
اچائی
لوک گنتی (2004)
 - کُل 63,800
ٹائم زون UZT (یو ٹی سی+5)
 - موسمِ گرما (د‌ب‌و) ماپیا نہیں گیا (یو ٹی سی+5)
ڈاک کوڈ
فون کوڈ +998 6942[1]

چُست (ازبک: Chust/Чуст; تاجک: Чуст; روسی بولی: Чуст) چڑھدے ازبیکستان وچ اک شہر اے۔ ایہہ چست ضلعے دا انتظامی مرکز اے۔ چست شہر فرغانہ وادی دے شمالی کونے وچ چستسوئے دریا دے نال واقع اے۔

چست فرغانہ وادی دے سبھ توں پرانے شہراں وچوں اک اے۔ فرغانہ شہر نوں جان والا رستہ اتھوں لنگھدا اے۔ ایہہ سڑک چست نوں نمنگان، اندیجان اتے فرغانہ نال جوڑدی اے۔

چُست سوویت یونین دے ویلے بہت ہی اہم بدلاء وچوں لنگھیا۔ اس ویلے دوران اتھے بہت ساریاں فیکٹریاں اتے ادارے بنائے گئے سن۔ ہن ایہہ شہر کپاہ نال متعلق صنعت دا اک اہم مرکز اے۔

اتہاس[لکھو]

چُست فرغانہ وادی دے سبھ توں پرانے شہراں وچوں اک اے۔ آثار قدیمہ سروےآں وچوں، جہڑے کہ 1953,1957,1959 اتے 1961 وچ کروائے گئے سن، جہناں وچوں پچھلے کانسی ویلہ جاں مڈھلے لوہا ویلہ دیاں چیزاں ملیاں سن، چست دے شہر دا اجکلھ دا علاقہ اے۔ چست بارے پہلی سائنسی جانکاری اے۔ ایفّ۔ مڈنڈور دی کتاب فرغانہ وادی دے قصے جہڑی کہ سینٹ پیٹرزبرگ وچ 1882 وچ شائع ہوئی سی۔[2] مقامی لوکاں دے مطابق چُست فارسی دا شبد اے، جسدا مطلب تیز اے۔

وچکار دور دے دوران، چست اک اہم قلعہ سی۔ بابر دے پیؤ عمر شیخ مرزا نے چست نوں اپنا گھر بنایا سی۔[2] 16ویں صدی دے دوران ایہہ شہر بہت سارے چھوٹے قلعیاں دا بنیا ہویا سی۔[3] قلعے دے آلے-دوآلے اک کندھ وی بنائی گئی سی۔ 1882 وچ ایہہ کندھاں ڈھاہ دتیاں گئیاں اتے شہر نے پسرنا شروع کیتا۔[3]

ویلے دے نال چست اک اہم صنعتی مرکز بن گیا۔ اس شہر دے لوہار، درزی اتے سنیارے وغیرہ مشہور ہون لگے۔ چست دے چاقو اتے اتھوں دیاں ولکھن ٹوپیاں خاص کرکے مشہور ہن۔

وچکار ایشیا دے روسی پھیلاء توں پچھوں، چست وچ کئی نویاں فیکٹریاں بنیاں۔ 1912 وچ اتھے چھ کپاہ ملاں اتے اک چمڑہ فیکٹری سی۔ چست نوں 1926 وچ بنے چست ضلعے دا انتظامی مرکز بنا دتا گیا۔ چست نوں شہر دا درجہ 1969 وچ دتا گیا۔[4]

جغرافیہ[لکھو]

چست سمندر پدھر توں 1,000 میٹر (3,300 فٹ)-1,200 میٹر (3,900 فٹ) دی اچائی تے واقع اے۔ سڑک راہیں ایہہ نماگان توں 41.3 کلومیٹر (135,000 فٹ) دی دوری تے واقع اے۔ [5] ایہہ شہر فرغانہ وادی دے شمالی سرے تے چستسوئے دریا دے کنارے واقع اے۔

لوک[لکھو]

نال لگدے شہر کوسونسوئے دے وانگ، اس شہر وچ فارسی بولن والے تاجک ہن۔ اس طرحاں ایہہ شہر ازبیک بہو گنتی والی فرغانہ وادی وچ بہت سارے فارسی بولن والے تاجک لوکاں دا اک گروہ اے۔

موسم[لکھو]

چست وچ براعظمی آب و ہوا اے جس وچ سردیاں بہت ٹھنڈھیاں اتے گرمیاں گرم ہندیاں ہن۔ جولائی دا اوسطاً درجہ حرارت 27 °C (81 °F) اتے جنوری دا اوسطاً درجہ حرارت0 °C (32 °F) ہندا اے۔

Chust دا موسم
مہینا جنوری فروری مارچ اپریل مئی جون جولائی اگست ستمبر اکتوبر نومبر دسمبر سال
اوسطاً ودھ سینٹی گریڈ 4 6 12 20 25 31 33 32 26 20 13 7 19.1
اوسطاً گھٹ سینٹی گریڈ -4 -2 3 9 13 19 21 19 14 8 3 -1 8.5
مینہہ م م 29.9 6.5 11.7 9.2 106.1 7.4 2.9 4 5 8.7 8.3 13.4 213.1
اوسطاً ودھ °ف 39 43 54 68 77 88 91 90 79 68 55 45 66.4
اوسطاً گھٹ °ف 25 28 37 48 55 66 70 66 57 46 37 30 47.3
مینہہ انچ 1.177 0.256 0.461 0.362 4.177 0.291 0.114 0.16 0.2 0.343 0.327 0.528 8.39
جتھوں لیا: [6]

آبادی[لکھو]

چست دی سرکاری جنگننا دے مطابق آبادی 2004 وچ 63,800 سی۔[2] تاجک اتے ازبیک اس شہر دے سبھ توں وڈے نسلی گروہ ہن۔

معیشت[لکھو]

چست کپاہ متعلق صنعت دا اک اہم مرکز اے۔ اس توں علاوہ ایہہ اپنیاں خاص قسم دیاں ٹوپیاں جہناں نوں تیوبتیکا کیہا جاندا اے اتے جیب وچ پاؤن والے چھوٹے چاقوآں لئی وی جانیا جاندا اے۔[4] اس شہر وچ قومی چاقو فیکٹری اے، جس وچ دھاتو کاریگر بہت ہی ولکھن اتے خاص قسم دے چاقو بناؤندے ہن، جہناں دی ہریک باریک دا بڑا خاص دھیان رکھیا جاندا اے۔[7] چاقو جہناں دی نوک ٹیڈھی ہندی اے، چست کاریگراں دا مارکہ اے۔[7]

اس ویلے وچ شہر وچ کئی جائنٹ-سٹاک کمپنیاں ہن۔ ایہناں وچ بیریئن، پاختا تولاسی اتے چستمش شامل ہن۔ اس توں چست وچ کجھ بیکریاں، اک پرٹنگ ہاؤس اتے ہور چھوٹے کاروبار وی ہن۔

سکھیا[لکھو]

چست شہر وچ کئی کالج اتے ووکیشنل سکول ہن:

  • چست کالج آف پیڈاگوگی
  • چست کالج آف میڈیسن
  • چست کالج آف ایگریکلچر
  • چست کالج آف اکانومی
  • چست کالج آف سپورٹز
  • چست اکادمک لسیئم

اس توں علاوہ چست وچ کئی بورڈنگ سکول، دو سنگیت اتے کلا دے سکول، چھ ووکیشنل سکول اتے تن بچیاں دے کھیڈ سکول وی ہن۔

مشہور لوک[لکھو]

کاروبار نال متعلق علیشیر برہانووچ عثمانوف، جہڑا کہ ہن روس وچ رہندا اے، چست وچ 1953 وچ جنمیا سی۔[8] فوربس دے مطابق عثمانوف روس دے مکھ امیراں وچ آؤندا اے، جس کول $17.6 ارب ڈالر ہن اتے اوہ دنیا دا 34 واں سبھ توں امیر انسان اے۔[9]

باہرلے لنک[لکھو]


حوالے[لکھو]

  1. سائیٹ غلطی:ناں منیا جان والا <ref> ٹیگ کوئی لکھت نئیں دتی گئی اتے پتے SPR لئی۔
  2. 2.0 2.1 2.2 Haydarov, Murodilla (2000–2005). "Chust". Oʻzbekiston milliy ensiklopediyasi (in Uzbek). Toshkent: Oʻzbekiston milliy ensiklopediyasi. 
  3. 3.0 3.1 Zufarov, Komiljon, ed. (1979). "Chust". Oʻzbek sovet ensiklopediyasi (in Uzbek) 12. Toshkent. pp. 593–594. 
  4. 4.0 4.1 "Chust". Ensiklopedik lugʻat (in Uzbek) 2. Toshkent: Oʻzbek sovet ensiklopediyasi. 1990. p. 397. 5-89890-018-7. 
  5. "Chust". Google Maps. https://www.google.com/maps?ll=40.997778,71.240278&q=40.997778,71.240278&hl=en&t=m&z=12. Retrieved on 21 جنوری 2015. 
  6. "Average high/low temperature for Chust, Uzbekistan". World Weather Online. http://www.worldweatheronline.com/Chust-weather-averages/Namangan/UZ.aspx. Retrieved on 22 جنوری 2015. 
  7. 7.0 7.1 (8 جولائی 2013) Uzbekistan. Bradt Travel Guides, 117. ISBN 978-1-84162-461-7. 
  8. "Usmanov, Alisher" (in Russian). Lenta. http://lenta.ru/lib/14164974/full.htm#99. Retrieved on 29 جنوری 2014. 
  9. "Alisher Usmanov". Forbes. مارچ 2013. https://www.forbes.com/profile/alisher-usmanov/. Retrieved on 29 جنوری 2014. 
Flag of Uzbekistan.svgازبکستان دے شہرEmblem of Uzbekistan.svg
راجگڑھ-:۞:-Tashkent emblem.jpgتاشقند
شہر اندیجان • انگرین • اساکا • آلمالیق • اورگانچ • اوچقودوق • اورگوت • بیک آباد • بیرونی • بخارا • ترمذ • تورکول • توئی تپہ • جمعہ • جیزک • چیرچیق • چمبائی • چست
خیوا • خوجائلی • رشتان • زرفشان • سمرقند • شہر سبز • سردریا • شیرین • غازار • غژدوان • فرغانہ • قوقند • قاراکول • قاراسو • قرشی • کتہ قورغان • کاگان
کاسانسوئی • گلستان • مرغیلان • موئیناق • مبارک • نمنگان • نورآتا • نوکوس • نوائی • وابکینت • یانگی آباد • یانگی یول • یانگیئر
Flag of Uzbekistan.svgازبکستان دی انتظامی ونڈEmblem of Uzbekistan.svg
راجگڑھ تاشقند
خودمختار لوکراج قراقل پاکستان (نوکوس)
صوبے(راجگڑھ) اندیجان(اندیجان) • بخارا(بخارا) • تاشقند(تاشقند) • جیزک (جیزک) • خوارزم(اورگانچ) • سرخان دریا(ترمذ) • سمرقند(سمرقند) • سردریا(سردریا) • فرغانہ(فرغانہ)
قشقہ دریا(قرشی) • نمنگان(نمنگان) • نوائی(نوائی)
Flag of Uzbekistan.svgصوبہ نمنگانEmblem of Uzbekistan.svg
راجگڑھ:۞:نمنگان
ضلع (راجگڑھ) ضلع اُوچ قُرغان(اوچ قرغان) • ضلع اوئچی(اوئچی) • ضلع پاپ(پاپ) • ضلع توراقرغان(توراقرغان)  • ضلع چارتاک(چارتاک) • ضلع چست(چست (شہر))ضلع کسانسے(کسانسے)
 • ضلع منگبولاک(جمعہ شوئی) • ضلع نمنگان(تاشبولاک) • ضلع نارین(خاک کول آباد) • ضلع یانگی قرغان(یانگی قرغان)