چھاتی
| چھاتی | |
| |
| میری کساٹ دد پلاندیاں ہویاں | |
چھاتیاں یا ممے انساناں تے آگو مانساں دے پنڈے دے سامنے اتے والے انگاں نوں کہندے نیں۔ انساناں دے دو ممے ہوندے نیں۔ کڑیاں منڈیاں دوواں دے جمدیاں ہی ہوندے نیں تے سوانیاں دے وڈھے ہون تے وڈے تے دسن لگدے نیں۔ ممیاں وچ دد والے غدود ہوندے نیں جناں وچوں دُد بن کے ڈوڈو چوں نکلدا ہے۔
جوانی وچ سوانیاں وچ ایسٹروجن ہارمون باجوں چھاتیاں وڈیاں ہو جاندیاں نیں تے مرداں وچ ٹیسٹوسٹیران ہارمون باجوں ایہہ نکیاں رہ جاندیاں نیں۔
کاکا ہون دے ویلے چھاتی دے ٹشو وچ ہارمون دے اثر توں وادھا ہوندا ہے تے دد بنان لئی چھاتی وڈی ہو جاندی ہے۔ ایہناں ہارموناں وچ ایسٹروجن، پروجیسٹرون تے پرولیکٹن شامل نیں جو ماہواری ویلے چھاتی تے بچہ دانی دے ٹشو وچ تبدیلی لیاندے نیں۔
ہر چھاتی وچ 15 توں 20 لوب ہوندے نیں۔ کھل دے تھلے ایڈیپوز ٹشو، اناں لوباں تے چڑھدے نیں جیدے باجوں چھاتی دی شکل تے سائز بندا ہے۔ ہر لوب وچ کئی لوبیول ہوندے نیں۔ ہر لوبیول دے آخری نکڑ تے تھیلیاں ہوندیاں نیں جتھے ہارمون دے اثر توں دد بن کے وڑدا ہے۔
ناں
[سودھو]ممے اک ہند یورپی شبد ہے تے کئی بولیاں وچ ورتیا جاندا ہے۔
وکھالہ
[سودھو]
چھاتی اک غدود ہے جیہدا کم کاکیاں لئی ددھ بنانا تے اوہناں نوں پلانا اے۔ ددھ پلان لئی چھاتیاں دے وچکار اک انگ چوسنی ہوندا اے جیدا رنگ گلابی توں گوڑا بھورا ہو سکدا اے۔ چھاتیاں دی اکائیاں دا کم چکنائی آلا دد بنانا ہوندا اے۔ ایہہ اکائیاں ساری چھاتی تے پھیلیاں ہوندیاں نیں۔ چوسنیاں دے آلے دوالے ہر 30 ملی میٹر دے فاصلے تے لیکٹیفیرس ٹشو ہوندا اے۔ چھاتی وچ کولیجن، الاسٹن، چٹی چربی تے کوپر لگامنٹ وی ہوندے نیں۔
چھاتیاں دوجی پسلی توں لے کے چھٹی پسلی تک ہوندیاں نیں۔ سامنے توں چھاتی کلیوکل ہڈی توں لے کے سٹرنم ہڈی تک ہوندی اے۔ چھاتیاں وکھرے ٹشو دیاں بنیاں ہوندیاں نیں پر زیادہ ایڈیپوز ٹشو تے غدودی ٹشو ہوندا اے جو دد بنان دے کم لئی ہوندے نیں۔
چھاتی اک کون شکل دا وکھالا اے جیدا پیندا سینے دی کند نال تے نکڑ چوسنیاں تے ہوندا اے۔ چھاتیاں دا وزن ہر سوانی وچ وکھرا ہوندا اے جو 500 توں 1000 گرام تک ہو سکدا اے۔ انج اک نکی چھاتی دا وزن 500 گرام تے اک وڈی چھاتی دا وزن 750 توں 1000 گرام تک ہو سکدا اے۔ ہر چھاتی وچ چربی تے کنیکٹو ٹشو دا تناسب وکھرا ہوندا اے۔ اک سوانی دے جیون وچ عمر، ماہواری، حمل، دد پلائی تے بڑھاپے باجوں چھاتیاں دا سائز، شکل تے وزن بدلدا رہندا اے۔
کم
[سودھو]چھاتیاں دا مڈھلا کم دد بنان آلے غدود دے طور تے کم کرنا تے دد پلان دے ویلے کاکے نوں دد پلانا اے۔ چھاتی دی گول شکل دا اے فیدہ اے جے تاپ ضائع نئی ہوندا جو دد بنان لئی ضروری ہوندا اے۔ ایہدے گول ہون دا دوجا فیدا اے وے کہ دد پیندیاں ویلے کاکا ارام نال ساع لے سکدا اے۔
نشے آلی دوائیاں، زیادا کم تے اینڈوکرائین پربندھ وچ مسئلیاں نال دد بنن دا عمل کم ہو سکدا اے۔ دد بنن لئی سوانی دے لعو وچ پرولیکٹن تے آکسی ٹاسن ہارموناں دا ہونا ضروری اے۔
بارلے جوڑ
[سودھو] |
وکیمیڈیا کامنز چ مورتاں: چھاتی |
باہرلے انگ : - سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نون٘ہہ · لت · بان٘ہہ · جباڑھا · بال · پیر · گوڈا · گوڈے دی چپݨی · گٹا · چھاتی · کھل · موڈھا · دھوݨ · گھنڈی · سینا · پِنّی · ڈھڈ · دُھنّی · لَک · ڈھُوہ · پَٹ
اندرلے انگ : - کلیجا · دل · نکی آندر · گردے · معدہ · پھپھڑے · آنڈاتھیلی · پینکریاز · دماغ · ہڈی · وڈی آندر · پِتّا · لہو
مونہہ دے اندرلے انگ : - مون٘ہہ · جیبھ · دند · حلق · حلق دا کاں