ڈاک بنگلا

آزاد انسائیکلوپیڈیا، وکیپیڈیا توں

ڈاک بنگلا (Dak bungalow) برطانوی ہندوستان وچ کمپنی راج دے تحت اک طرز دیاں مخصوص سرکاری عمارتاں سی۔ ایہ جدید پاکستان، بنگلا دیش تے بھارت وچ اس طرحاں دیاں تعمیر شدہ یا استعمال شدہ ڈھانچے دا وی حوالا ہوسکدا اے۔

ابتداء[سودھو]

ڈاک بنگلے زائرین لئی ہندوستانی حکمراناں ولوں بݨائے گئے کارواں سراواں، دھرم شالیاں تے دیگر مہمان خانےآں دی روایت اُتے چلدے سی۔[۱]

اِنڈیا آفس دے کوݪ 25 نومبر 1676 دے اندراج ناݪ اک ڈائری موجود اے جیہدے وچ لکھیا اے کہ "ایہ مناسب سمجھیا گیا سی [۔.۔ بنگلے یا حوول قائم کرنا۔.۔ ] ڈاک بنگلے سبھ توں پہلاں 1840 دی دہائی وچ تعمیر کیتے گئے سی،[۲] ڈاک، امپیریئل میل سروس لئی سٹیجنگ پوسٹاں دے طور تے کَم کردے سی۔ رڈیارڈ کپلنگ دے والد جے لاک ووڈ کپلنگ نے اوہناں نوں "گھاہ دے ڈھیر ونگوں خوبصورت" قرار دِتا سی۔


استعمال[سودھو]

ایہناں عمارتاں نے سرکاری اہلکاراں لئی مُفت رہائش فراہم کیتی[۳] تے اوہناں دی اجازت اُتے، دوسرے مسافراں لئی "بے مثال سستے" قیام دا بندوبست کیتا۔[۴] اس لئی ٹعھانچے نوں بعض اوقات پوسٹ ہاؤسز، ریسٹ ہاؤسز، یا مسافراں دے بنگلےآں دے نام ناݪ وی جاݨیا جاندا اے۔ ڈاک بنگلےآں دے اہلکاراں وچ ڈاکیا، دربان تے بعض اوقات اک خانساماں شامل ہُندے سی۔ فیس، حکومت نے مقرر کیتی سی۔ 1920 دی دہائی وچ سِنگل فرد لئی روزانا 8 آنا تے شادی شدہ جوڑیاں لئی 12 آنا۔ مہماناں نوں کِسے وی نقصان دی تلافی تے استعمال شدا سامان دیاں قیمتاں لئی ذُما دار ٹھہرایا جاندا سی، بشمول گھوڑےآں لئی گھاہ، لکڑی تے خوراک۔ بستر غیر معمولی سی، کیونکہ راج حکام توں توقع کیتی جاندی سی کہ اوہ اپݨے بستریاں تے نوکراں دے ناݪ سفر کرن گے۔ خانساماں اوہناں لوکاں لئی کھاݨے دا انتظام کرسکدا سی جو اپݨے باورچی دے بغیر سی، عام کھاݨا آنڈے تے مرغ دے پکوان سی۔

دور دراز علاقےآں وچ زیادا تر سرکاری کَم، بشمول قنونی مقدمات دی سماعت، ڈاک بنگلےآں وچ اس وقت ہوئی جَد ضلعی عہدیداراں نے دورا کیتا۔ ضلعی ہیڈ کوارٹر وچ سرکٹ ہاؤس نے سیشن ججاں دے دورے لئی ایک وڈا کمرا تے بہتر رہائش فراہم کیتی۔ وڈے شہروں وچ ہُݨ وی زیادا مخصوص عمارتاں ہو سکدیاں نیں۔

ہندوستان دی جنگ آزادی 1857ء دے دوران بنگلےآں دے نیٹ ورک دا استعمال برطانوی شہریاں تے فوجیاں نوں بچاوݨ لئی کیتا گیا پَر دہلی توں باہر کئی قتل عام دیکھے گئے۔

میراث[سودھو]

بہت سارے ڈاک بنگلے خستا حال ہو گئے یا بعد وچ سرکٹ ہاؤسز نے اوہناں دی جگہ لے لئی۔ ڈاک بنگلےآں دی شکل وچ پنجاب وچ محکما انہار پنجاب دے مخصوص طرز تعمیر دے نہری بنگلے ہُݨ وی قائم تے فعال نیں۔ وڈیاں نہراں دے کنارےآں اُتے ڈاک بنگلے بطور ریسٹ ہاؤس ورتے جارہے نیں۔ اس توں علاوا ایہناں نوں جنگلی حیات دیاں پناہ گاہواں دے قیام دے طور تے کچھ نوں برقرار رکھیا گیا اے تے بطور تریخی ثقافتی وِرثہ تھاں موجود نیں۔


ہور دیکھو[سودھو]


حوالے[سودھو]