کاربن ڈائی آکسائڈ

کاربن ڈائی آکسائڈ
سوڈے وچ کاربن ڈائی آکسائڈ دے بلبلے
خاصیتاں
کیمیائی فارمولا	CO2
مول وزن	44.01 گرام/مول
وکھالہ	بے رنگی گیس
پگلن نمبر	-56.6 ڈگڑی سینٹی گریڈ
ابلن نمبر	؟
تیزابیت	6.35, 10.33
کاربن ڈائی آکسائڈ دا اک مالیکیول

کاربن ڈائی آکسائڈ اک کیمیائی کمپاؤنڈ اے جیڑا آکسیجن دے دو ایٹماں تے کاربن دے اک ایٹم نال کوویلنٹلی جڑیا ہویا اے۔ کاربن ڈائی آکسائڈ ہوا چ نارمل دباؤ تے گرمی ناپ گیس دی مورت چ ہندی اے۔ ایہ گیس جیون لئی سب توں ضروری شیواں چوں اک اے۔ کاربن ڈائی آکسائڈ والیوم دے لحاظ نال زمین دی ہوا چ بوت کٹ اے: 440 ٹوٹے فی ملین۔ کاربن ڈائی آکسائڈ نیچر وچ اگپہاڑ، گیزر تے گرم چشمے توں آندی اے۔ کاربن ڈائی آکسائڈ پانی چ کل جاندی اے جس دی وجہ توں ایہ زمین اندر دے پانی، دریا، جھیل تے سمندر دے پانی چ پائی جاندی اے۔ کاربن ڈائی آکسائڈ زمین وچ دبے تیل تے گیس وچوں وی ملدی اے۔