کاشغر

آزاد انسائیکلوپیڈیا، وکیپیڈیا توں
(کاشغر شہر توں مڑجوڑ)
کاشغر
'چڑھدے ترکستان دا تریخی شہر
کاشغر دی عیدگاہ مسیت لاگے مینار
ژنجیانگ چ کاشغر دا محل وقوع
چین چ کاشغر محل وقوع
دیس
چین
بولی ایغور بولی
لوکاں دی قومیت ایغور ، ترک
تریخی علاقہ
مشرقی ترکستان
خودمختار علاقہ ژنجیانگ (چڑھدا ترکستان)
رقبہ 294 مربع کلومیٹر
سمندر دی پدھر توں بلندی
1،270 میٹر (4،167 فٹ)
لوک گنتی (2003ء) 3 لکھ 51 ہزار 874 افراد
کثافت آبادی 1،196 افراد فی مربع کلومیٹر
ٹائم زون
+8
ڈاک کوڈ 844000
علاقائی کوڈ 0998
ویب سائیٹ کاشغر حکومت دی ویب سائیٹ Archived 2015-09-25 at the وے بیک مشین


کاشغر چڑھدے یاں مشرقی ترکستان یاں ایغورستان دا اک شہر اے جہڑا ہن چین دے خودمختار علاقے سنکیانگ (مشرقی ترکستان) چ شامل اے ، اس دی آبادی 1999ء دے مطابق 2،05،056 اے ۔


محل وقوع[سودھو]

کاشغر صحرائے تکلمکان دے مغرب دے بنھے کوہ تیان شیان دے پیراں چ واقع اے تے سطح سمندر توں اسدی بلندی 1290 میٹر اے ۔

وادی جیحوں ولوں خوقند ، سمرقند ، تاشقند ، بخارا ، الماتا تے دوجے شہراں توں آن آلے رستےآں دے وچکار واقع ہون دی وجہ توں ماضي چ ایہہ شہر سیاسی تے کاروباری مرکز رہئیا اے ۔

موجودہ شہر توں 2 سو کلومیٹر دور لہندے چ شاہراہ ریشم کرغیزستان دی سرحد دے لاگےاوں لنگھدی اے ، جتھوں دکھن لہندے ول بلخ تے اتلے لہندے ول وای فرغانہ ول آسان رستے جاندے نیں ۔


کاشغر شاہراہ ریشم تے درہ خنجراب راہیں پاکستان دے راجگھر اسلام آباد نال جڑئیا ہوئیا اے تے درہ تورگرت تے درہ ارکشتام راہیں کرغیزستان نال ملئیا ہوئیا اے ۔


تریخ[سودھو]

سنہ751ء چ جنگ تالاس چ چینیاں نوں عرباں دے ہتھوں زبردست شکست ہوئی تے کاشغر اسلامی سلطنت چ شامل ہوئیا تے اج وی ایتھے مسلماناں دی اکثریت اے ۔ ایہہ شہر 1219ء چ چنگیز خان دے ہتھوں تباہ ہوئیا ۔ مارکو پولو نے وی 1273ء چ کاشغر دی سیر کیتی ۔

سنہ 1389ء چ کاشغر امیر تیمور دی بربریت دا نشانہ بنئیا ۔ 1759ء چ چین دی چنگ سلطنت نے اس تے مل مار لئیا تے مشرقی ترکستان ، چینی ترکستان بن گئیا ۔ ایتھے مسلماناں نے کئی وار چینی حکومت دے خلاف بغاوت کیتی پر ہر وار اسنوں کچل دتا گئیا ۔


ایتھے دی مشہور ترین بغاوت یعقوب بیگ دی آگوائی چ ہوئی جس دے مرن دے مگروں چنگ خاندان نے اس علاقے دا مکمل کنٹرول حاصل کر لئیا ۔


دیکھن لائق تھانواں[سودھو]

عیدگاہ مسجد کاشغر دے گھبے واقع اے تے چین دی سب توں وڈی مسیت اے ۔ اس شہر چ ماؤزے تنگ دا اک 18 میٹر (59 فٹ) اچّا مجسمہ وی بنائیا گئیا اے ۔

ابغ خوجہ دا مزار کاشغر توں 5 کلومیٹر شمال چ واقع اے ، کاشغر دے درمیان چ اس دے خاندان دے دوجے لوکاں دے مزار نیں ۔