کالاسر چنڈول

کالا سر چنڈول
کنگڈم :	جانور
فائیلم :	کورڈیٹ
کلاس :	پنچھی
ٹبر :	؟
جنس :	؟
سائینسی ناں:	Eremopterix nigriceps

کالاسر چنڈول پنجاب دا اک پنچھی اے۔

کالاسر چنڈول
صورت حال
! colspan = 2 | حیثیت تحفظ
Least Concern (IUCN 3.1)
اسمیاتی درجہ	پرجاتی
جماعت بندی
مملکت:	جانور
جماعت:	پنچھی
طبقہ:	Passeriformes
خاندان:	Alaudidae
جنس:	Eremopterix
نوع:	E. nigriceps
سائنسی نام
Eremopterix nigriceps  John Gould ، ۱۸۳۹
خريطة إنتشار الكائن
‏‏

Eremopterix nigriceps nigriceps

کالا سر چنڈول،(انگریزی:black-crowned sparrow-lark ) کالا سر چنڈول دا علاقہ افریقہ براعظم دے چڑھدے پاسے موریطانیہ دیس توں لے کے وچکار ایشیا توں ہندے ہوئے بھارت دے لیہندے پاسے تے پہاڑ دی باہی تک اے۔ ایہہ چنڈول چڑیاں مینہہ رُتے اتر ول پرواس کر جاندیاں ہن۔ جس وچ افریقہ دا ساحل علاقہ اتے عرب دا شمالی حصہ آؤندا اے پر چنڈول چڑیاں دی کجھ وسوں بدلدیاں رتاں وچ وی اپنی تھاں ٹکی رہندی اے۔

جان پچھان

اسدی لمائی 10-11 س م اتے وزن 12-16 گرام ہندا اے۔ نر دا سر تے دھون کالا-چٹا پٹیدار ہندے ہن۔ باقی دا سریر کالا تے پر مٹی رنگے ہندے ہن۔ معدہ دے مٹی رنگے سریر اُتے بھوریاں دھاریاں بنیاں ہندیاں ہن۔

خوراک

اسدی خوراک مکھ طور اُتے گھاہ جاں بوٹیاں دے بی ہندے ہن پر ایہہ کیڑے-پتنگے وی کھا لیندا اے۔ بوٹاں نوں زیادہ تر غذائیت غذا وجوں کیڑے-پتنگے ہی کھواؤندے ہن۔ بہتات وچ چوغا چگن دا ویلا سوَکھْتے تے تکالاں دا ہندا اے اتے چوغا زیادہ تر بھوں توں ہی چگدے ہن۔ ایہہ کیڑے-پتنگیاں دا شکار ہوا وچو وی کر لیندے ہن۔ گرمیاں وچ ایہہ چھاں والیاں تھاواں اُتے آرام کردی اے تاں جو پانی دی گھاٹ توں بچیا جا سکے۔ ملن دے دناں وچ ایہہ 50 دی گنتی دے جھنڈ وچ چوغا چگدے ہن۔

نسل کشی

عام طور اُتے اس چنڈول چڑی دے ملن دا ویلا گرمیاں دے مہینے ہندے ہن۔ نر چنڈول مادہ نوں رجھاؤن لئی ہوا وچ قلابازیاں وکھاؤندا اے۔ اسدے آلھنے ہمیشہ کسے چھاں والی تھاں اُتے ہندے ہن جو اس کسے نکے بوٹے جاں گھاہ اُتے بنایا ہندا اے۔ مادہ اک واریں 2-3 آنڈے دیندی اے، جنہاں اُتے مادہ تے نر دوویں وارو-واری بہندے ہن۔ 11-12 دن آنڈیاں اُتے بیہن مگروں بوٹ نکلدے ہن۔ آنڈیاں وچوں بوٹ نکلن توں بعد نر تے مادہ دے حصے 1-1 بوٹ آ جاندا اے تے اوہ وکھو-وکھرے ہو کے آودے بوٹ نوں پالدے ہن۔ اس طرحاں کرن نال جد وی کدے 3 بوٹ نکلدے ہن تاں تیسرے بوٹ لئی زندگی دے راہ بند ہندے ہن تے اسدی موت ہو جاندی اے۔ بوٹ اپنی زندگی دی پہلی اڈاری تن ہفتیاں دی عمرے لاؤندے ہن اتے 1 سال دی عمر ملن لئی تیار ہو جاندے ہن۔

حوالے