کامریڈ راجکمار

کامریڈ راجکمار دھاریوال ( ?- 20 اکتوبر 2017) بھارتی کمیونسٹ پارٹی اتے امن لہر دے آگوُ سن۔ 1972 توں 1978 اتے 1980 توں 1985 دو وار پنجاب دے ضلع گرداس پور دے حلقہ دھاریوال توں پنجاب صوبائی اسمبلی دے میمبر رہے ہن۔ ممبر بنن توں پہلاں اوہ نگر کونسل دھاریوال دے پردھان وی رہے۔ کامریڈ راجکمار مزدور جماعت وچ بہت ہی ہرمن پیارے سن۔ دھاریوال دی وولن مل دی مزدور یونیئن دے وی اوہ کئی سال پردھان رہے۔

کامریڈ راجکمار نے ملک دی ونڈ ویلے مسلماناں نوں بچاؤن اتے سرحد پار کرواؤن لئی جان جوکھم وچ پا کے کم کیتا سی۔ دیساں وچکار امن تے دوستی لئی وی اوہناں دا کم اگھا سی۔ پہلاں اوہ اسکس (ہند-روس دوستی سبھا) پنجاب دے آگوُ سن اتے پھر انڈین سوسائٹی فار کلچرل کوآپریشن اینڈ فرینڈشپ (اسکف) دے دیس پدھر دے آگوُ رہے۔