کریمیائی عوامی جمہوریہ

کریمیائی عوامی جمہوریہ دا جھنڈا

کریمیائی عوامی جمہوریہ (کریمیائی تاتار بولی چ قریم خلق جمہوریاتی ) اج دے دکھنی یوکرین دی جمہوریہ کریمیا چ دسمبر 1917ء توں جنوری 1918ء تک قائم رہی ۔ ایہہ اسلامی دنیا دی پہلی جمہوری تے سیکولر جمہوریہ بنان دی کوشش سی ۔ کریمیائی عوامی جمہوریہ ، 1917ء دے انقلاب روس جس نے روسی سلطنت دا خاتمہ کردتا سی ، دے بعد بوہت ساریاں تھوڑے چر لئی قائم رہن آلیاں نویاں ریاستاں بنان دیاں کوششاں چوں اک سی ۔

کریمیائی تاتاراں دی قرولتائی نے جمہوریہ دا اعلان کیتا پر کریمیا چ وسن آلیاں ساریاں قومیتاں نوں برابری دتی ، جنہاں چ اکثریت روسی (42 فیصد) ، یوکرینی (11 فیصد) ، آرمنی تے یونانی شامل سن ۔ اس جمہوریہ دا صدر نعمان چیلیبجی خان سی ۔

کریمیائی تاتاراں دی اپنی قومیت بنان دی کوشش نوں بالشویکاں دے کالا سمندر بحری بیڑے نے شکست دے کے ختم کر دتا ۔

ہور ویکھو

• روسی خانہ جنگی

• اودیسا سویت جمہوریہ

حوالے

1۔ ماگوکسی ، پاول رابرٹ (2007ء) ۔ یوکرین:اک واضع تریخ ۔ سٹیلے ۔ واشنگٹن یونیورسٹی پریس ۔صفحہ 238 ۔

2۔ گارچیف ، پیٹر ۔ قرولتائی تے مرکزی کونسل کریمیائی تاتاراں دا معلومات تے دستاویزات دا مرکز ۔